Темір жол бойындағы тәртіп пен қауіпсіздікті сақтауда
Ақтөбе жүк тасымалы бөлімшесінің бастығы Бөріхан Беркімбаев желілік полиция бөлімі қызметкерлерін төл мерекелерімен құттықтады.
Басшы темір жол бойындағы тәртіп пен ынтымақтастық бірлескен жұмыстың жемісі екенін атап өтті.
«Барлық полиция қызметкерлерін кәсіби мерекелерімен құттықтаймын. Қоғамдағы, темір жол бойындағы тәртіп пен қауіпсіздікті сақтауда халық сіздерге сенім артады. Әрдайым сол сенімнен шығып келесіздер. Қиын да қауіпті жұмыстарыңызда табыс пен сәттілік серік болсын сіздерге. Сіздерге, отбасыларыңызға зор денсаулық, бақыт тілеймін. Елде бейбітшілік болсын...», – деді «ҚТЖ-Жүк тасымалы» Ақтөбе бөлімшесінің директоры Бөріхан Беркімбаев.
Сонымен қатар, қауіпсіздік пен тәртіпті сақтауға қосқан үлесі үшін әскерилендірілген теміржол күзетінің тексеріп қарауды ұйымдастыру бөлімінің инспекторы Әсемгүл Қоспанова, атқыштар командасының күзетшісі Оралбек Мусин және жедел әрекет ету бөлімінің күзетшілері Оңғарбек Әділов пен Болат Жонбәкіров алғыс хатпен марапатталды.