Маңғыстауда төрт айлық шара басталды
Кешеден бастап Маңғыстау темір жолында «Жазғы жол жұмыстары кезеңінде пойыз телімдерінің өткізгіштік және тасымалдау қабілеттілігін арттыру» деп аталатын төрт айлық шара басталды.
1 шілдеде басталып, қазанның біріне дейін жалғасатын шара мақсаты – алдағы уақытта өндірістік қызметті жақсарту, жұмысшылардың жауапкершілігін арттырып, еңбек және технологиялық тәртіпті нығайту, сонымен қатар жазғы жол жұмыстары кезінде филиал қызметіндегі басқару, корпоративтік және қауіпсіздік деңгейін көтеру.
Маңғыстау жүк тасымалы жол бөлімшесі директорының орынбасары Ерлан Бүркітовтің айтуынша, осы төрт айлықтың жариялануына орай филиалда арнайы бұйрық шығарылып, жасалатын шаралар жоспары бекітілді.
Сол жоспар аясында ең үздік құрылған пойыздар өткізгіштігі әдісін іс жүзінде көрсете отырып, персоналдың техникалық деңгейін арттыру, технологиялық «толаскездер» кезінде пойыздардың жол бойында аздау тұруын қамтамасыз ете отырып, пойыздар өтуін ұйымдастыру, жүк түсіру және өндірістік жұмыстар орындарында жұмыс пойыздарының қозғалысын ұйымдастыру жұмыстарын жүргізу көзделуде. Сонымен қатар 4 айлықтың өтетіндігі туралы жұмысшыларға таныстырып, сол туралы аншлагтар ілу, ақпараттандыру және шараны өткізу бойынша қолдау көрсету жауапкершілігі бірінші басшыларға тапсырылды. Сондай-ақ теміржолшылар тарапынан бөлімшенің өндірістік-эксплуатациялық қызметін жақсарту бойынша ұсыныстар айтылуда.