Қазақстанда «Демалыс» акциясы өтуде
Теміржол және әуе көлігі нысандарында 22-24 шілде аралығында «Демалыс» акциясы өткізілуде.
Іс-шараның негізгі мақсаты – жасөспірімдер қылмыстарының алдын алу және ескерту, олардың түнгі мезгілде жалғыз жүрмей, заңды тұлғаларымен бірге ілесіп жүруін анықтау, сондай-ақ балалар арасында жарақат алу, жазатайым оқиғалар, жолаушы пойыздарының әйнектерін сындыру фактілерінің алдын алу болып табылады.
Акцияның негізгі мақсатын халыққа түсіндіру үшін темір жол саласы өкілдері, білім беру басқармасы, Шымкент станциясы ЖПБ ювеналдық полиция тобының инспекторлары, прокуратурамен бірлесе отырып темір жолға жақын орналасқан тұрғын үйлерді аралап, кездесулер өткізуде. Шымкент темір жол вокзалында және бірқатар темір жол объектілерінде халыққа құқықбұзушылықтардың алдын алу профилактикасы жете түсіндірілді.