Жарты жылда – 9 рационализаторлық ұсыныс

Жыл сайын «ҚТЖ-Жүк тасымалы» АҚ филиалы – Ақмола жүк тасымалы бөлімшесінде рационализаторлық қызмет бойынша межеленген жоспарлар толық орындалып келеді.

Айталық, үстіміздегі жылдың бірінші жартыжылдығында №-8, 34-ші вагон деполары, №9,1,11 локомотив пайдалану деполарының бірлесуімен жоспарлы 11 рационализаторлық ұсыныстың орнына 21 ұсыныс жасалып, соның ішінде 9 рацұсыныс өткен. Ол бойынша авторлық сыйақыға төленген ақша көлемі 392 000 мың теңгені құраса, өнертапқыштыққа қосқан үлесі үшін 68 мың теңге көлемінде сыйақы төленген. Бүгінде ол 9 рацұсыныс келісімге жіберілген.

Мұнымен қатар тоқсан сайын Ақмола жүк тасымалы бөлімшесінің бірінші деңгейлі техникалық кеңесінің деңгейінде «Үздік рационализатор» байқауы өтеді және бөлімше қызметкерлерінің техникалық шығармашылығын дамыту және рационализаторлық қызметін белсендендіру мақсатында семинарлар өтіп, оған белсенді өнертапқыштар, жас мамандар шақырылады екен. Бұл шаралар өз нәтижесін беріп отырғанын жоққа шығармайды бөлімше мамандары.