Жастар бастамасының жалғасы бар
«Қазақстан теміржолшысы» газетінің тілшісі
Елде болып жатқан төтенше жағдайға байланысты шекара аймағында орналасқан Достық станциясының ерікті жастары "Біз біргеміз" акциясына белсенді атсалысуда.
Бұл әсіресе, былтыр «ҚТЖ» компаниясы анықтаған «Жүз жас есім» атағын алушы жастар арасында белсенді жүзеге асырылып отыр. Олар акция аясында коронавирустан сақтану шаралары туралы түсіндірме нұсқаулықтар таратуда.
Батыржан Ахметжанов пен Данияр Бимашев - Достық станциясының «100 жас есім» 450 маска қолдан тігіліп, таратылды. Соның ішінде 100 медициналық масканы станция аумағындағы жұмысшыларға тегін таратқан. Станцияның жетекші инженері Жазира Қажытаева өз үйінде тігін машинасымен осы маскалардың бәрін тігіп шыққан.
Ерікті жастар сонымен қатар көп балалы Диана Құсманованың отбасына көмектесіп, азық-түлікпен, басқа да қажетті заттармен қамтамасыз етті. Жас теміржолшылар мұндай акцияларды карантин біткенше тоқтатпай жалғастыра бермек.