Жергілікті халық асыға күткен жаңа пойыз маршруты ашылды

Аймақтар
20.08.2021, 12:42
Қосұйым Мұқашев

Атырау облысы бойынша меншікті тілші

Бір қарағанда дабырайтатын дәнеңе жоқ сияқты. Облыс орталығынан шалғайдағы Құрманғазы ауданына көптен күткен жаңа пойыз маршруты ашылды. Бірақ, жергілікті халық үшін бұл бірнеше жылдан бері айтыла-айтыла жауыр болған өзекті мәселе еді. Сондықтан атыраулықтар үшін 17 тамыз өлке тарихындағы ерекше күн болды. Облысішілік мұндай маршруттың ашылуы – жалпы облыс тарихын- дағы алғашқы жағдай. Атырау мен Дина Нұрпейісова станциялары аралығында жүретін пойызға жергілікті халықтың сұранысы жоғары болғаны сонша, небәрі үш вагоннан тұратын пойыз билеті әп-сәтте сатылып кеткен. Бұрынғы халықаралық Душанбе-Москва, Ташкент-Саратов, Атырау-Астрахань пойыздары былтырғы жылы пандемия басталғалы тоқтады. Облыс орталығынан 300 шақырым жерге қатынау қиынға түсті. Атырау-Астрахань республикалық автожолы болса күрделі жөндеуге жабылды. Халық қолы кесілгендей күй кешті. Автобус қатынамайды, таксилердің бағасы аспандап тұр: бір адамға екі мыңнан 10 мыңға дейін барды. Оның үстіне күрежолдың бойында көлік апатының жиілеп кеткені де халықтың үрейін ұшырып бітті. 60 мың тұрғыны бар Құрманғазы және 30 мың тұрғыны бар Исатай аудандарының халқы облыс орталығына қатынаудың қиындығын әбден көрді. Ақырында биылғы сәуір айында жаңа маршрут ашу жөнінде мәселе көтеріле бастады. Құрманғазы ауданына пойыз жүргізу мәселесі облыстық мәслихатта қаралып, мақұлданды. Соған сәйкес 13 шілдеде облысішілік Атырау-Д.Нұрпейісова станция- сы бағыты бойынша теміржол тасымалдаушысын анықтау мақсатында ашық конкурс өтетіні туралы хабарландыру жарияланып, нәтижесінде «Otpan Logistic» компаниясы жеңімпаз болып танылып, маршрутқа тапсырыс беруші облыстық жолаушылар тасымалы және автомобиль жолдары басқармасымен 5 жылға келісім-шартқа отырды. Атырау-Аққыстау-Ганюшкино-Д.Нұрпейісова бағытындағы №631/632 пойыз құрамында үш вагон: 54 орындық 1 плацкарт және әрқайсысы 81 орыннан екі жалпы вагон бар. Вокзал кассасының меңгерушісі Ажар Ахметованың айтуынша, билеттер 14 тамыз күні кештен бастап сатыла бастаған. Ал нақ пойыз жүрер күні бір орын да қалмапты. Пойыз Атырау станциясынан жергілікті уақытпен таңертеңгі 11:00-де жүріп кетті. Ақырғы станцияға кешкі 17:13- те барады. Екі арада 20 станция, разъезд бар. Жолда жүру уақыты 6 сағаттан астам. Кейін қарай 18:26-да шығып, түнгі бірден кете Атырау станциясына келеді. «Otpan Logistic» компаниясының жолсеріктері жолаушыларды пойызға тек қана билетпен кіргізуде және қолдарындағы «Жолсеріктің мобильді терминалы» бойынша электронды билеті бар жолаушыларды тексеріп тұр. Жолаушылардың қуанышында шек жоқ. Бәрі де жаңа пойыз маршрутының ашылғанына дән риза. Билет құны да көңілден шығады. Жалпы вагонға билет құны ақырғы станцияға дейін 895 теңге болса, плацкарт – 2475 теңге. «Otpan Logistic» компаниясының директоры А.Борашевтің айтуынша, жолауышыларға әзірге үш вагонмен қызмет көрсетіледі. «Алдағы уақытта халықтан сұраныс болып жатса, тағы да вагондар санын көбейтуге мүмкіндіктер бар, сондай-ақ, пойыздың жүру уақытын да өзгертуге болады» дейді ол.

Әлеумет
14.07.2025
Медициналық пойыз БҚО-да 7 мыңнан астам тұрғынға көмек көрсетті
Аймақтар
14.07.2025
Ақтауда Қытай компанияларының қатысуымен ірі логистикалық хаб құрылады
Аймақтар
14.07.2025
Қазақстандық жолсеріктер Deutsche Bahn тәжірибесін үйренуде
Аймақтар
14.07.2025
Елдің ықылысы – еңбектің өтеуі
Әлеумет
14.07.2025
Вокзалдағы кәсіпкерлердің құқықтары қорғалады
Жаңалықтар
14.07.2025
Теміржолшылар "Taza Qazaqstan"республикалық бастамасы аясында эко-сенбілік өткізді
Жүк тасымалы
14.07.2025
Қазақ транзитінің жаңа дәуірі басталды – сарапшы
Жаңалықтар
14.07.2025
ОА мен Оңтүстік Азияны жалғайтын теміржолға қатысты құжатқа қол қойылды
Аймақтар
14.07.2025
Берік Уәли Курчатовтағы теміржол кәсіпорнының жұмысымен танысты
Жолаушылар тасымалы
12.07.2025
ҚТЖ жазғы маусымда өзінің барлық бағдарлары бойынша 4,2 млн-нан астам жолаушыны тасымалдауға дайын
Жаңалықтар
11.07.2025
ҚТЖ басшылығы туризмді дамыту мәселелері бойынша көшпелі кеңес өткізді
Жолаушылар тасымалы
11.07.2025
ҚТЖ Астана – Бурабай бағдары бойынша «Burabay Express» жаңа электрпойызын іске қосты
ҚТЖ келбеті
11.07.2025
Мақаттың мақтанышы
Әлеумет
11.07.2025
Астанада кәсіподақтың VI есептік сайлау конференциясы өтті
Жаңалықтар
11.07.2025
Теміржол жөндеуде заманауи техника қолданылуда
Жаңалықтар / Мұрағат
11.07.2025
Қазақстан теміржолшысы газеті, №52 11 шілде 2025 жыл
Жаңалықтар
10.07.2025
ҚТЖ: Қытайдағы негізгі серіктестермен бірқатар уағдаластықтарға қол жеткізілді
Спорт
10.07.2025
Щучинск қаласындағы республикалық спартакиадаға 250 теміржолшы қатысуда
Жаңалықтар
10.07.2025
KTZ Express ЕО елдеріне экспорттық мультимодальды тасымалды ұйымдастырды
Жаңалықтар
10.07.2025
Транскаспий дәлізі: Қазақстанның көлік және цифрлық инфрақұрылымдағы жаңа бағыты