Ақтөбелік дәрігерлер қайта екпе алуға үндеді

Әлеумет

22.02.2022, 11:51

Ақтөбе облысы бойынша меншікті тілші

Батыс аймақтық теміржол филиалында 10 мыңнан аса теміржолшы коронавирус індетіне қарсы екпе алды. Нәтижесінде 94 пайыздан жоғары көрсеткішпен ұжымдық иммунитет қалыптастырды. Бұл туралы көліктегі санитар мамандармен өткен семинар-кеңесте айтылды.

Ақтөбе бөлімшелік көліктегі санитарлық-эпидемиологиялық бақылау басқармасы теміржолшыларға екпенің келесі компонентін алып, ревакцинациядан өтуге шақыр- ды. Санитар мамандар теміржолшыларды COVID-19 коронавирустық инфекциясына қарсы ревакцинация жүргізу және «Ashyq» жобасының алгоритмі бойынша іс-шараларды күшейту жөнінде ҚР Бас мемлекеттік санитарлық дәрігерінің қаулысымен таныстырды.

– Енді коронавирусқа қарсы ревакцинацияны 9 емес, 6 айдан кейін жасай беруге болады. Әлемде қалыптасқан эпиджағдайды ескере отырып, иммундау жөніндегі ұлттық консультативтік комиссия халықты қайта вакцинациялау тактикасын қарады. Осылайша, бұған дейін вакцинацияның екі дозасын алған барлық адамдар 6 ай өткен соң қайта екпе ала беруге болады деген шешімге келді, – дейді Ақтөбе көліктегі санитарлық-эпидемиологиялық бақылау басқармасының басшысы Жадыра Алданова.

Санитар мамандар келтірген мәліметтерге сүйенсек, 2021 жылдың қорытындысы бойынша теміржол көлігі саласында қызмет етіп жүрген 11442 теміржолшының 10593-ы екпе алып, 94% көрсеткішпен ұжымдық иммунитеттің жоғарғы көрсеткішін қалыптастырған.

Ақтөбелік дәрігерлер қайта екпе алуға үндеді

Басқа да жаңалықтар