Медициналық пойыздар биыл 80 мың адамға көмек көрсетті
Бұл туралы «Samruk-Kazyna Trust» әлеуметтік жобалар дамыту қорының бас директоры Альфия Адиева баспасөз мәслихатында айтты, , деп хабарлайды Rail-news.kz.
Оның айтуынша, мамыр айының аяғынан қараша айының басына дейін «Жәрдем» және «Саламатты Қазақстан» медициналық пойыздары Қазақстанның 14 облысындағы шалғайдағы 147 станцияда болды. «Олардың түгел республика бойынша жүріп өткен жолының жалпы қашықтығы 22009 шақырымды құрады. Дәрігерлер 80 мыңнан астам адамға тегін көмек көрсетті, соның ішінде 21,9 мың бала тексеруден өтті. 5 мыңға жуық адамға жеңіл ота жасалды», - деді А. Адиева.
Медициналық пойыз бригадаларының құрамында жалпы тәжірибелік дәрігер, хирург, уролог, невропатолог, окулист, ЛОР дәрігері, акушер-гинеколог, маммолог, тіс дәрігері, психолог, дерматовенеролог болған.
