Теміржолшылар «Самұрық-Қазына» қорының жастар-білім беру форумына қатысты

Алматыда «Самұрық-Қазына» қорының жастар-білім беру форумы өтіп, оған 200 астам делегат жиналды. Оның 23-і «ҚТЖ» ҰК» АҚ өкілдері.

Бұл – жастардың жылдың басты оқиғасы. Жалпы, Қор кәсіпорындарының 250 мың қызметкерінің 80 мыңнан астамы – 35 жасқа дейінгі жас мамандар. Бұл «Самұрық-Қазына» Қоры өткізген екінші форум.

Форумда жас мамандар өзін-өзі диагностикалауға, өз мүмкіндіктерін іске асыруға, көшбасшылыққа үйренді. Жыл бойы олар білім беру семинарлары мен спорттық турнирлерге қатысты. Тәжірибе алмасу үшін өндірістерге барды.

- Үш әсерге толы күн, 210 жаңа ДОС пен эмоциялар теңізі! Мен көшбасшы болуды, идеяларды бастауды және оларды жүзеге асыруды, командада жұмыс істеуді үйрендім. Басқа өңірлердегі әріптестеріммен таныстым, - дейді форумға қатысушы, Қандыағаш станциясының пойыз құрастырушысы Азамат Сарбас.

Ұйымдастырушылардың айтуынша, форумның негізгі міндеті–жас қызметкерлердің зияткерлік әлеуетін шоғырландыру, оларды басым міндеттерді шешуге тарту, сондай-ақ кәсіби, әлеуметтік және мәдени байланыстарды нығайту.