Венгрия теміржол инфрақұрылымын пайдалану төлемін азайтпақ
Венгрия үкіметі жүк тасымалдау операторлары үшін ұлттық теміржол инфрақұрылымын пайдаланудағы төлемді 40%-ға дейін төмендету туралы ұсынысты қарастырып жатыр, деп хабарлайды Rail-news.kz.
Мұндай жеңілдіктер жүк операторларының энергия шығындарының жаппай өсуіне байланысты іске асып отыр. Оған қоса, қолға алынған бұл шара тасымалдаушылардың ішкі және халықаралық нарықтағы бәсекелестігін нығайта түспек.
Венгрия темір жолында мұндай төлем жасау екі бөліктен тұрады: инфрақұрылым операторының жолды, станцияларды және электр құрылғыларын қамтамасыз етудегі тікелей шығындарын өтеу және оның қызметінің басқа аспектілерін қаржыландыру үшін қосымша төлемдер жасау.
Жүк тасымалы операторлары инфрақұрылымды пайдаланғаны үшін жылына шамамен 22 млрд венгр форинтін (52 млн еуро) төлейді, 2021 жылы қосымша төлемдер үлесі 39,2%-ға жеткен.
Жүк тасымалы секторындағы қаржылық жүктеменің төмендеуі жылына 8-9 миллиард форинтке дейін жетуі мүмкін.