Қытай сағатына 450 км жылдамдықпен жүретін пойыз жасап жатыр
Қытай 450 км/сағ жылдамдықпен жүретін CR450 пойызын жасауды бастады, деп хабарлайды Rail-news.kz ChinaDaily порталына сілтеме жасап.
Өткен жылдың қаңтарында Қытай ұлттық темір жол операторы China State Railway Group компаниясы CR450 EMU жобасының техникалық сипаттамаларын жариялаған болатын. Келер жылы жалпы жобалық және ішкі жүйе макеттері пысықталады деп күтілуде, сондай-ақ пойыз жақын арада таныстырылмақ.
ҚХР бұл жобаны шетелдік инвестицияның көмегінсіз жүзеге асыратыны айтылады. Мамандар қазір пойыздағы шамадан тыс шуды азайту барысымен жұмыс істеп жатыр. Өйткені өте жоғары жылдамдықпен жүретін пойызда желдің гүілдеген дыбысы қатты естіледі.
Айта кету керек, соңғы 15 жылда Қытайдың темір жол саласы, әсіресе жоғары жылдамдықты жүрдек пойыздарды жасау анағұрлым жылдам дамып келеді. Елдегі 155 мың шақырым теміржол желісінің 42 мыңы жоғары жылдамдықты пойыздарға арналған.