Үндістан Ресей мен Қытайда өндірілген пойыз доңғалақтарынан бас тартып, өз өндірісін іске қоспақ
Калькуттада орналасқан Ramkrishna Forgings және Titagarh Wagons консорциумы Үндістан темір жолының Vande Bharat флагмандық жоғары жүрдек пойыздары үшін доңғалақтарды өндіруге ең төмен бағаны белгілеп, келісімшартты жеңіп алды, деп хабарлайды Rail-news.kz.
Өткен жылдың 9 қыркүйегінде елдің Темір жол министрі Ашвини Вайшнов бастаған тендер жеке ойыншыларды доңғалақ шығаратын мамандандырылған кәсіпорын құруға шақырған еді, осылайша әлемдегі төртінші ірі теміржол желісінің импортқа тәуелділігін азайтуға бет бұрыс жасалды. Бұл доңғалақтар Vande Bharat жүрдек пойыздары үшін жеткізіледі.
Жеңімпаз консорциум Үндістанда соңғы үлгідегі өндіріс орнын құрып, 20 жыл ішінде жылына 80 000 дөңгелекке дейін шығаруы тиіс. Оған қоса, өндіріс орны 36 айдың ішінде салынып бітуі керек.
Бұрын теміржолшылар жүрдек пойыздарға арналған доңғалақтарға деген қажеттілігін Қытай мен Ресей өнімдерімен өтеп келген. Санкцияларға байланысты қазір тек Қытайдан жеткізіп отыр.