Ирак Түркиямен шекарада Басра көлік дәлізін салмақ
Иракта Development Road жобасын іске асыру барысы мақұлданды. Ол Басра қаласы мен Ирактың оңтүстігінде салынып жатқан Гранд-Фао теңіз портын Түркия шекарасымен байланыстыратын темір жол мен автожол құрылысы, келешекте Түркияның Мерсин жерорта теңізі портына шығатын қақпа десе болады.
Аталған жоба сондай-ақ Түркия билігімен келісілген.
Гранд-Фао портынан Түркия шекарасына дейінгі электрлендірілген темір жол құрылысының құны 18 миллиард еуродан асады деп күтілуде, оған қоса құрылысты 2038 жылға дейін аяқтау көзделіп отыр.
Ирак территориясында тартылатын темір жолдың ұзындығы 1200 шақырымды құрамақ, ол Басра қаласынан өзге Эд‑Диванию, Ан‑Наджаф, Кербелу мен Мосулды басып өтеді.
Ал, Гранд‑Фао порты Басра қаласының оңтүстігінде 100 шақырым жерде салынып жатыр. Жобаның алғашқы кезеңі 2025 жылы аяқталып, соның нәтижесінде порт арқылы жылына 3 млн контейнер жөнелтілмек. 2,5 млрд еуро болатын бірінші кезеңнің келісімшарты кореялық Daewoo Engineering & Construction компаниясымен жасалған. Келесі кезеңде 100-ге жуық айлақ салу қарастырылып отыр.