Alstom Үндістанға 300-ші электровозды жеткізді
Alstom компаниясы 2015 жылы Үндістанға 800 жүк локомотивін жеткізу бойынша 3,5 миллиард еуроның келісімшартын жасасқан. Жақында 300-ші WAG 12B электровозы жеткізілді, деп хабарлайды Rail-news.kz.
Бұл екі секциялы локомотивтер салмағы 6 000 тонналы пойыздарды 120 км/сағ жылдамдықпен жүргізе алады. IR және Alstom бірлескен кәсіпорны жасап жатқан WAG-12B сериялы электровоздар жүк теміржол саласының жедел дамуына ықпал етіп отыр.
300-ші мерейтойлық электровозды қабылдау салтанаты 2022 жылдың желтоқсанында ашылған Нагпурдағы (Махараштра) Альстомның жаңа пайдалану депосында өтті.
Келісімшартқа сәйкес мұнда сериялық нөмірі 60251-ден бастап 250 WAG 12B локомотивіне техникалық қызмет көрсетіледі.
12 жолдан тұратын депо заманауи құрал-жабдықтармен, соның ішінде жылжымалы құрамның жай-күйін тәулік бойы орталықтандырылған қашықтықтан бақылау жүйесімен қамтылған, бұл алдын ала профилактикалық қызмет көрсетуді ұйымдастыруға мүмкіндік береді.