Жапония жоғары жылдамдықты пойызбен жүктерді таси бастамақ
Жапония БАҚ-ның мәліметінше, елдің темір жолы JR East келесі жылдан бастап жүктерді жоғары жылдамдықты жүрдек пойыздармен тасуды бастамақ, деп хабарлайды Rail-news.kz.
JR East жолаушылар ағыны Ковидке дейінгі деңгейдің 80% ғана қалпына келген кезде, осылайша жаңа табыс көзін ашып отыр. Сонымен қатар, жүк көлігі жүргізушілерінің артық жұмыс уақытына шектеулер енгізетін заңнамадағы өзгерістерге байланысты, яғни, жаңа піскен балық пен басқа да азық-түлік өнімдерін жедел тасымалдау сұранысқа ие болуы мүмкін.
Жүк тасымалы үшін бөлек пойыздар қолданыла ма, әлде жүкті тұрақты жолаушылар пойыздарына орналастыра ма, ол жағы әлі шешілген жоқ. Вагондарды өзгертпеу үшін орындықтардың арасына жүктері бар жәшіктерді орнату ұсынылады, ал тиеу-түсіру жұмыстары деполарда немесе ірі станцияларда жүргізілуі мүмкін.
JR East 2021 жылдан бері шағын жүктерді жоғары жылдамдықты пойызбен тасуды қолға алған, ол үшін вагондағы бос орындарды пайдалануда. Жіберілетін жүктердің құнына келер болсақ 12 келіге дейінгі сәлемдеме 2190 иен тұрады, бұл 15 доллар шамасында.