Қытай алғашқы транстеңіз жоғары жылдамдықты темір жол желісін іске қосты
Бейсенбіде, 2023 жылдың 28 қыркүйегінде Қытайдың оңтүстік-шығысындағы Фуцзянь провинциясында 350 км/сағ жылдамдыққа есептелген транстеңіз жүрдек теміржолында жолаушылар тасымалы басталды. Жоғары жылдамдықты желі елдегі Фучжоу - Сямэнь – Чжанчжоу бағытында қатынайды.
Аталған жоғары жылдамдықты пойыздар Тайван бұғазының батыс жағалауына дейін жүреді. China Railway Nanchang Group компаниясының мәліметі бойынша, алғашқы кезеңде олар күн сайын 16 рейс жасайды. Аталған желі осы жылдың 31 тамызында соңғы сынақтан өткен.
Ұзындығы 277 км-ден асатын және сегіз станциясы бар жоғары жылдамдықты теміржол жалпы ұзындығы 19,9 км көпірлер арқылы үш шығанақты басып өтеді. Құрылыс күрделі геологиялық жағдайларда жүргізілді, өйткені трассаның құрлық учаскелері негізінен сейсмикалық белсенділігі бар аймақтардағы таулы жерлер арқылы жүреді.
Жаңа жоғары жылдамдықты теміржол Фуцзянь провинциясының экономикасы мен туризм саласын дамытуға үлес қосады деп күтілуде.