Сеул теміржол желілерін жер астына көшіруді жоспарлап отыр
Корея Республикасының астанасы Сеул билігі қаладағы жер бетімен жүретін теміржол желілерін жер астына көшіру үшін 25,6 триллион вон (шамамен 18,5 миллиард доллар) бөлу жоспарын мақұлдады, деп хабарлайды Rail-news.kz.
Сеул мегаполистің 25 әкімшілік ауданының 15-інің аумақтарын кесіп өтетін жалпы ұзындығы 71,6 км алты теміржол желісін басқарады. Жоба осы желілердің 67,6 шақырымы мен 39 станцияның орнын ауыстыруды қамтиды.
Аталған жоб аясында жұмыстарды 2027 жылы бастау жоспарлануда, ол кезең-кезеңімен іске асады және қалада 120 гектардан астам жаңа саябақтар мен қалалық жасыл аумақ құрылады деп күтілуде. Кейбір станцияларды, атап айтқанда Сеулдің оңтүстік-батысындағы Еонгдеунпо мен батыстағы Синчонды ірі мәдени және сауда орталықтары ретінде қайта құру ұсынылған.
Мегаполисте темір жолдардың жер асты құрылысы билікке бірқатар өзекті мәселелерді шешуге мүмкіндік береді, соның ішінде шуды, ластануды жою және теміржол инфрақұрылымы көрсететін қалалық аумақтар арасындағы физикалық кедергілерді жою.
Осыған ұқсас жоба 2016 жылы Сеулде сәтті жүзеге асырылды, ол кезде Мапо ауданындағы Кёнгуи желісінің жер астына көшірілген 6,3 км учаскесінде жаңа мегаполис ескерткіші Йонтраль саябағы пайда болды.