Қытайда алғаш рет үй жануарларын жоғары жылдамдықты пойыздармен тасымалдауға рұқсат берілді
Қытайда Пекин – Шанхай бағыты бойынша қатынайтын жоғары жылдамдықты пойыздарда жолаушыларға үй жануарларын өзімен бірге алып жүруге рұқсат беретін пилоттық бағдарлама іске қосылды. Бұған дейін мұндай пойыздарда жануарларды тасымалдауға тыйым салынған болатын, деп хабарлайды Rail-news.kz.
China Railway Express Co компаниясы жаңа қызметті таныстырды. Енді жолаушылар арнайы жабдықталған контейнерде өз мысығы немесе иті үшін орын брондай алады. Алайда жануарлар жолаушылардан бөлек арнайы бөлімде орналасады. Бұл жерде олардың қауіпсіздігі мен жайлылығы қамтамасыз етіледі.
илоттық жоба Оңтүстік Бейжің, Батыс Цзинань, Оңтүстік Нанкин, Шанхай Хунцяо және Шығыс Ханчжоу станциялары арасында жүретін 10 пойызда сынақтан өтеді. Жолаушылар үй жануарына арналған орынды онлайн брондай алады, сонымен қатар алдын ала қажетті құжаттарды рәсімдеу талап етіледі.
Тасымал бағасы қашықтыққа байланысты өзгереді. Қазіргі сынақ кезеңінде 30% жеңілдік қарастырылған. Мысалы, 1000 шақырымға дейінгі қашықтықта үй жануары үшін жол ақысы 360 юаньды (шамамен 50 АҚШ доллары) құрайды.