Ұлыбританияда Stadler 99 сериялы жаңа локомотиві таныстырылды
GB Railfreight операторы EURODUAL платформасында жасалған 99 сериялы жаңа гибридті локомотивті таныстырды. Бұл техника 25 кВ желіден де, сондай-ақ экологиялық Stage V стандартына сай Cummins дизельді қозғалтқышынан да қуат ала алады, деп хабарлайды Rail-news.kz.
Жоғары жылдамдығы – 120 км/сағ, құрылымы – үш осьтен тұратын екі арба. Алғашқы жеткізілімдер GBRf, Beacon Rail Leasing және Stadler компаниялары арасында 2022 жылы жасалған 30 локомотивке арналған келісімшарт аясында жүзеге асады. Жобаның инвестиция көлемі – 150 миллион фунт стерлинг.
Локомотив Чехияда сынақтан өтіп, маусым айында Ұлыбританияға жеткізілді. Stadler компаниясы оған 16 жыл бойы техникалық қызмет көрсетуді өз мойнына алады.
Жаңа тартқыш құрамы еуропалық жүк тасымалы саласындағы шығарындыларды азайту мен паркты жаңғырту жолындағы маңызды қадам болып отыр.