Alstom жаңа сутекті пойызын сертификаттауға шығарды
Alstom компаниясы жаңа Regiolis H2 моделін сертификаттауға жіберді. Бұл — компанияның үшінші сутекті пойызы, ол Францияда биылғы жылдың соңына дейін іске қосылмақ, деп хабарлайды Rail-news.kz.
Францияның төрт аймағы — Овернь – Рона – Альпы, Бургундия – Франш-Конте, Гранд-Эст және Окситания — жалпы құны 231 млн еуро болатын келісімшартқа қол қойды. Бұл елдегі экологиялық көлік саласына бағытталған ең ірі инвестициялық бағдарлама саналады.
Жоба Coradia Polyvalent платформасына негізделген. Bombardier компаниясымен бірігу нәтижесінде ол испандық CAF бақылауына өткенімен, технологияны әзірлеу мен өндіру Alstom-ның 14 зауытында бөлініп, соңғы құрастыру жұмыстары Рейшсхоффан зауытында жүргізілуде.
Жаңа пойыздың бір реттік жүріс қоры 600 шақырымды құрайды. Бұл көрсеткіш Coradia Stream H (660 км) немесе Coradia iLint (800 км) үлгілерінен төмен. Алайда гибридті жүйе пойызға электрленген бағыттарда да қозғалу мүмкіндігін береді. Сондықтан Regiolis H2 — аралас инфрақұрылым үшін әмбебап шешім ретінде ұсынылуда.
Компанияның айтуынша, сутекті пойыздар көміртексіз экономикаға көшуге, шығарындыларды азайтуға және Еуропаның экологиялық көлік жүйесін дамытуға жол ашады. Alstom осылайша тұрақты көлік нарығындағы көшбасшылығын нығайтып, болашақ теміржол саласының бағытын айқындауда.