Қытай темір жолдары 2025 жылы 4,6 млрд жолаушы тасымалдаған
2025 жылдың 12 айында Қытайдың темір жолдары (CR) шамамен 4,59 млрд жолаушыны тасымалдаған. Бұл алдыңғы жылмен салыстырғанда 6,4 %-ға артық. Жүк тасымалының көлемі 5,27 млрд тоннаға жетіп, 2024 жылмен салыстырғанда 2 %-ға өскен, деп хабарлайды Rail-news.kz.
2025 жылы Қытай мен Еуропа арасында 34 мың жүк пойызы қатынап (+9,8 %), олар 3,17 млн TEU жүк тасымалдады (+7,6 %).
Сондай-ақ өткен жылы пайдалануға 3109 км темір жол желісі енгізілген, оның ішінде 2862 км жоғары жылдамдықты желі. Қытайдың ұлттық темір жол желісінің жалпы ұзындығы 165 мың км-ге жетті, ал жоғары жылдамдықты магистральдардың жиынтық ұзындығы 50 мың км-ден асты. Негізгі капиталға салынған инвестициялар көлемі 901,5 млрд юаньды (шамамен 128,9 млрд АҚШ доллары) құрады.
2026 жылы CR 2000 км-ден астам жаңа темір жол желісін пайдалануға беруді жоспарлап отыр. 2030 жылға қарай Қытайдың темір жол желісінің ұзындығын 180 мың км-ге дейін ұлғайту көзделген, оның ішінде шамамен 60 мың км жоғары жылдамдықты магистральдар болады.