Британдық Network Rail компаниясы инфрақұрылымды бақылау және теміржолдағы оқиғаларға жедел әрекет ету үшін ұшқышсыз ұшу аппараттарын (дрондарды) белсенді түрде енгізуде, деп хабарлайды Rail-news.kz.
Соңғы 90 күн ішінде операторлар 500 сағаттан астам ұшу уақытын орындады. Дрондар жолдардағы жағдайды тезірек бағалауға, пойыздардың кешігуін азайтуға және қызметкерлер үшін қауіп-қатерді төмендетуге көмектеседі.
2025 жылдың қыркүйегінен бастап ұшқышсыз аппараттарды пайдалану шамамен 100 мың фунт стерлингті үнемдеуге мүмкіндік берген, өйткені қазір көптеген тексерулерді теміржол желілерін жаппай-ақ жүргізуге болады.
Дрондар қайда қолданылады:
- жол жиегіндегі өрттерді мониторингілеуге;
- теміржолдағы адамдар мен жануарларды іздеуге;
- су тасқынының салдарын бағалауда;
- инфрақұрылымды инспекциялауда.
Network Rail мәліметтері бойынша, өткен жылы тек адамдардың рельске шығып кетуіне байланысты пойыздардың жалпы кешігу уақыты 1,5 млн минуттан асқан.
Ұшқышсыз аппараттар қызметкерлерді рельске жібермей-ақ, мәселені тезірек анықтауға және шешім қабылдауға мүмкіндік береді.
Болашақта оларды көшкін мониторингі, жаңа желілердің құрылысын бақылау және шұғыл қызметтерге қолдау көрсету үшін кеңінен қолдану жоспарлануда.
