Әзербайжан Армения шекарасына дейінгі теміржол құрылысының 75%-ын аяқтады
Әзербайжан Армения шекарасына қарай бағытталған теміржол құрылысының 75 пайызын аяқтады. Ал осы бағыттағы автомобиль жолының дайындық деңгейі 95 пайызға жетті. Бұл туралы Әзербайжанның Сыртқы істер министрі Джейхун Байрамов мәлімдеді, деп хабарлайды Rail-news.kz.
Көлік бағытының аяқталмаған бөлігі Армения аумағындағы шамамен 42 шақырымдық учаске болып отыр. Оны 2025 жылы Вашингтонда өткен саммитте келісілген TRIPP жобасы аясында салу жоспарланған.
Қазіргі уақытта жоба бойынша жобалау жұмыстары жүргізіліп, оны жүзеге асыратын компанияны құру процесі жүріп жатыр.
Жоспарға сәйкес, дайындық кезеңі 2026 жылдың соңына дейін аяқталып, құрылыс жұмыстары 2027 жылдың басында басталмақ.
Жаңа теміржол және автомобиль бағытының іске қосылуы өңірдегі көлік байланысын кеңейтіп, Әзербайжан мен Армения арасындағы транзиттік инфрақұрылымды дамытуға мүмкіндік береді.