Ақтөбеде 2016 жылдан бері 1 млн тонна рельс өндірілді
Ақтөбе облысы бойынша меншікті тілші
Ақтөбе рельс-арқалық зауыты пайдалануға берілген 2016 жылдан бастап 1 млн тонна рельс өндірді, деп хабарлайды кәсіпорын басшылығы. Бұл шамамен 8 000 км темір жолды құрайды.
Қазақстанда ғана емес, ТМД елдерінің аумағында жоғары сапалы және орташа фасонды прокат рельстерін шығаратын бірегей және жалғыз кәсіпорын, сонымен қатар беріктігі жоғары және ұзындығы 120 метрге дейінгі жаңа буын рельстерін шығаратын жалғыз зауыт ретінде танымал.
«АРБЗ» ЖШС – отандық теміржол саласын дамыту процесінің белсенді қатысушысы. Зауыт өнімдері елімізде кеңінен қолданылады. ҚТЖ – ең басты тапсырыс беруші және сенімді серіктесіміз. 120 метрлік рельстер «Достық – Мойынты учаскесінде екінші темір жол салу» ірі инфрақұрылымдық жобасына пайдаланылады», – дейді компания өкілі.
