Сиандағы қазақстандық хаб: алғашқы жылдың қорытындысы
Қазақстан Президенті Қасым-Жомарт Тоқаев телекөпір форматында Қытайдың солтүстік-батысындағы Шэньси провинциясының Сиань қаласында Қазақстанның логистикалық орталығының ашылу салтанатына қатысқанына бір жылдан астам уақыт өтті. Мемлекет басшысы сала үшін және жалпы Қазақстан-Қытай қатынастары үшін орталық құрудың маңыздылығын атап өтіп, нысанның жұмысын іске қосты, деп хабарлайды Rail-news.kz.
Сиандағы жаңа қазақстан-қытай терминалы іске қосылған күннен бастап айтарлықтай нәтижелер көрсетіп келеді. Бүгінгі таңда терминалдың қуаты жылына 133000 ДФЭ құрайды. Өткен жылы аталған орталық арқылы транзиттік тасымалдау көлемі 276 000 тоннадан асты. 2025 жылға арналған жоспарда тасымалдау көлемі 456 000 тоннаны құрайды.
Жалпы, Сиань Құрғақ портынан 2024 жылы Қытай - Еуропа бағытында бес мыңнан астам пойыз жөнелтілді, бұл тарихи рекорд болды. Бұл бағыт - барлық жөнелтілімдердің 25%-і.
Сианьдағы бірлескен жүк терминалы жұмысының арқасында TХКБ маршрутындағы негізгі түйін ретінде өткен жылы тасымалдау көлемі 33 есе өсті.
Жалпы, Қазақстан мен Қытай арасындағы теміржол жүк тасымалы жыл сайынғы өсімді көрсетуде. Бірлескен жоба - Сиань қаласының құрғақ портындағы қазақстан-қытай терминалы, ол Қазақстан бағытында жүретін барлық контейнерлік пойыздардың 40% дейін шоғырландырады, жүк көлемін арттыруда маңызды рөл атқарады.