ТХКБ арқылы Бельгияға алғашқы пилоттық экспорт жөнелтілді
ҚТЖ - KTZ Express еншілес компаниясы қазақстандық ұсақталған күрішті ТХКБ бойынша Антверпен портына (Бельгия Корольдігі) пилоттық экспорттық жеткізуді жүзеге асырды, деп хабарлайды Rail-news.kz.
Тасымалдау Каспий және Қара теңіз су айдынымен теміржол инфрақұрылымы мен теңіз желілерін пайдалана отырып, мультимодальды форматта ұйымдастырылды.
Логистикалық тасымал бағыты теміржол және теңіз қатынасын дәйекті пайдалана отырып, «Қызылорда – Ақтау порты – Поти порты – Антверпен порты» бағыты бойынша құрылған. Поти мен Антверпен порттары арасындағы теңіз учаскесінде тасымалдау CMA CGM Group халықаралық жүк тасымалдау тобының қатысуымен жүзеге асырылады.
Бұған дейін осы бағытта жүктерді жеткізу негізінен Семиглавый Мар шекаралық өткелі арқылы құрлық бағыты бойынша, одан кейін Брест, Дуйсбург және Антверпен арқылы жүзеге асырылды. ТХКБ инфрақұрылымын пайдалану логистиканы айтарлықтай оңтайландыруға мүмкіндік берді: жаңа маршрут бойынша тасымалдау құны салыстырмалы мерзімде Солтүстік дәліз арқылы жеткізумен салыстырғанда төмен. Транзиттің болжамды ұзақтығы шамамен 30 тәулікті құрайды.