Қазақстан Иранға темір жол арқылы көмір тасымалдайтын болды

Өткен жексенбіде Иран еліне көмір тиелген алғашқы қазақстандық жүк пойызы жетті, деп хабарлайды Rail-news.kz. Iran.ru сайтының мәліметіне сүйенсек, жүк пойызы Инче-борун халықаралық темір жолы арқылы жүріп өткен. Голестан провинциясының генерал-губернаторы Хади Хакшенас қазақстандық пойыздың Иранға келуі өңірлік сауданың өсіміне бастау болатынына сенім білдірді. Ол сонымен қатар теміржолда транзиттік шығын біршама төмендетілетініне де үміт артты. Оның сөзіне қарағанда еркін сауда аймағында орналасқан Инче-борун темір жолының Еуразия елдері мен Иранды біріктіретін артықшылығы бар. Сондықтан Инче-борун Солтүстік-Оңтүстік дәлізінің бір бөлігі саналады, сол арқылы ТМД елдерінің темір жол тасымалдау ісі жүзеге асырылады. Аталған теміржол Иранның солтүстік шекарасында, Түркіменстанмен шектесе орналасқан.