Техникалық дәріс - онлайн режимде

Цифрландыру
17.04.2020, 09:06
Қуаныш Қожаев

Абай облысы бойынша меншікті тілші

Ел көлемі бойынша жарияланған төтенше жағдай режиміне байланысты теміржолшылар техникалық сабақты онлайн режімде өткізуге кірісті. Жоспардан тыс және толықтыру мақсатында өткізілетін дәрістер мен өзге де инструктаж түріндегі шараларды да уақытша тоқтата тұруға тура келген.

Теміржолшылардың топталмауы үшін, яғни, індеттің таралу қаупін төмендету мақсатында қазіргі күні сала қызметкерлері үшін емтихан тапсыру, тексеріс жүргізу сынды шаралар да уақытша тоқтап тұр. Бұл жайт өз кезегінде техникалық дәрістерге басымдық беруге алып келді.

Бүгінде Семей теміржолшыларының 70 пайызы қашықтықтан жұмыс жүргізуге көшкен болатын. Әйтседе, барлық қызмет бабымен жүзеге асырылуда. Соның ішінде техникалық дәрістер де жоспарға сай жүргізілуде. Айырмашылығы – аймақ бойынша орын алған күшейтілген шектеулерге байланысты мұнда да тех.сабақтар онлайн тәртібімен жүргізіледі.

Семейлік техникалық дәріс беруші жетекші инженерлер қазіргі қалыптасқан жағдайға тез бейімделді. Аптаның белгіленген уақытында сабаққа қатысушы барлық теміржолшылар үшін қашықтықтан дәріс берілуде. Ол үшін компьютерлер мен ноутбуктар пайдаланылады.

Барлық теміржолшылар дерлік аталмыш құрылғылармен толықтай қамтамасыз етілген. Кейбіріне арнайы шартпен қажетті құрылғылар берілген. Оларға бейнебайланыс үшін аса қажетті компьютерлік бағдарламалар орнатуға да мекемелер тарапынан елеулі көмек көрсетілген.

Осылайша, қазіргі күні техникалық дәріс өткізу үшін zoom, skype және watsapp байланыс желілері арқылы онлайн конференциялар ұйымдастырылуда. Қашықтықтан дәріске қатысушы теміржолшылар орындалған тапсырмаларды, берілген сауалдарға жауаптарды жеке электронды пошта арқылы жібереді. Яғни, дәріс барысы 100 пайыз ғаламтор арқылы жүзеге асады.

Ал, дәріс аясындағы құжаттамалар мен әдебиеттер, материалдар мен нұсқаулықтарды алу үшін, қажет болған жағдайда қала ішінде жүруге құқық беретін арнайы рұқсаттамасы бар теміржолшыға бөлімшеге немесе мекемеге келуіне кедергі жоқ. Жалпы, бұл ретте процесс барысы қазіргі күнгі мектептегі білім беру тәсілдері мен әдістемелерін еске түсіреді.

Жылдық жоспар бойынша алғашқы тоқсанға белгіленген дәрістердің бірқатары осы тәсілмен өткізіліпті. Атап өтерлігі, бұл шаралар бөлімшеге қарасты станциялар мен локомотив және вагон пайдалану деполарының цифрлық технологияға көшу барысы мен компьютерлік-техникалық жарақтандырылуы үшін де үлкен сынақ болған.

- Басты тақырып әлбетте әрдайым бірінші кезекте тұратын қозғалыс қауіпсіздігі және еңбекті қорғау. Бұл ретте кәсіби тұрғыдан біліктілік шыңдау, тәжірибе алмасу қазіргі күні де тоқтатылмады. Күшейтілген төтенше жағдай кезінде де бұл мәселелер күн тақырыбынан түспек емес, - дейді қозғалысшылар үшін техникалық дәріс өткізуші тәжірибелі маман Еркін Тойкенов. 

Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды