Ресурс үнемдеу – тиімділік тетігі
«Қазақстан теміржолшысы» газетінің тілшісі
«Қазақстан темір жолы» ұлттық компаниясы ресурс үнемдеу технологияларын енгізуге ерекше көңіл бөліп отыр. Осы бағытта биыл біраз жұмыс атқарылды.
Мәселен, балқыту әдісімен бағыттамалы айқастырмалардың 1200 жиынтығы қалпына келтірілді. Бұл пойыздардың қозғалыс жылдамдығын шектеу туралы 81 ескерту белгісін алып тастауға мүмкіндік берді. Ал алюминий термитті дәнекерлеуді қолдану нәтижесінде рельс бунақтарындағы 4500 ақаулы орын жойылды. Сонымен қатар Атлас рельсті тегістеу пойыздарының көмегімен 3000 км астам рельс қайтадан өңделіп, тегістеліп, жаңа келбетке ие болған. Сондай-ақ, 200 оқшаулағыш түйіспе заманауи желім болтының конструкциясымен жабдықталған. Ал 79 учаскеде түйіспесіз жолдың ұзындығы темір жол аралығына дейін жеткізілсе, 400 жұп бунақ блок-учаскеге дейін ұзартылған. Бұл өз кезегінде жолдың жай-күйі бағамын жақсартуға және жолды түзету шығындарын едәуір қысқартуға мүмкіндік берді. Нәтижесінде 2,5 млрд теңгеден астам экономикалық тиімділікке қол жеткізіледі деп күтілуде.