Семейде жол жөндеу бірнеше бағытта жүріп жатыр

Инфрақұрылым
25.08.2023, 10:10
Суретті түсірген автор
Қуаныш Қожаев

Абай облысы бойынша меншікті тілші

Бүгінде ел шығысындағы теміржол бұрын-соңды болмаған деңгейдегі жаңарудан өтуде. Жаздың басында басталған күрделі жөндеу жұмыстары жоспардан ауытқымай өз шегіне жақындап келеді. Бұл шаралардың сыртында жекелеген қума жолдар бойында күшейтілген орташа жөндеу жұмыстары да басталды. Станциялық жолдар мен кірме жолдарды жаңарту жұмыстары жылыту маусымының жақындауына байланысты аяқталуға таяу.

Семей магистральдық желі бөлімшесі бойынша жазғы жол жөндеу жұмыстары мейлінше қауырт жүргізілуде. Мәселен, қазіргі таңда «ПМС Астана» ЖШС-ның көмегімен Жарма өңірінде күрделі жөндеу шаралары күш ала бастады. Осыған дейін айтқанымыздай, жылдық жоспар 85,2 шақырым болатын жол бойын темірбетонды шпалдарға ауыстыру межеленген. Қазіргі таңда оның 42,21 шақырымы ауыстырылып бітті. Жолшылар қауымы аптасына ең кемі 4 шақырым желі бойын жаңалауда. Қараша тәмамдалып, қатқақ орнағанша жоспарлы жұмыс толықтай аяқталмақ. Ал қазіргі күнге дейін қозғалыс жиілігі аса жоғары Қапанбұлақ – Нарбота станциялары, Балықтыкөл – 12-ші жол айрығы аралығы толықтай жаңартылып, Суырлы станциясына дейінгі аралықта қарқынды түрде жұмыс жүргізіліп жатыр.  

Бұл шаралардың сыртында өткен жексенбіден бастап Өскемен-1 мен Алтай телімі аралығындағы 17,5 шақырым болатын желі бойына күшейтілген орташа жөндеу жұмыстары басталды. Осылайша семейлік теміржолшылар бірнеше бағытта жол жөндеу жұмыстарын қолға алған.  

Сонымен қатар бөлімше бойынша көптеген станцияларда бас жолдар мен кірме жолдарды қайта жаңалау шараларына да баса көңіл бөлінуде. Бұл орайда жыл басынан бергі атқарған жұмыс көлемі ауқымды. Бөлімшенің өз теңгеріміндегі жол машиналары үзіліссіз жұмыс істеуде. Қазіргі таңда Аягөз-Ақтоғай телімі бойындағы Таңсық станциясындағы 1-ші жолда «ЖЕЙСМАР» жол машинасы темірбетонды шпалдарды толығымен жаңасына ауыстырып жатыр.  

Айта кетер тағы бір жайт, НЖС-6 бойынша биылғы жылға 62 бірлік бағыттамалы бұрманы ауыстыру да межеге алынған болатын. Бұл бағыттағы жұмыстар да кестеден кешікпеуде. Қазіргі күнге дейін жалпы көлемі 48 жиынтық ауыстырылған. Қалған жұмыстар алдағы қыркүйек-қазан айларында аяқталмақ.  

Сонымен қатар бөлімше көлеміндегі көптеген көмір тұйықтары мен кірме жолдары да жеке кәсіпкерлердің өз есебінен жөндеуден өткізіліп жатыр. Бұл шараларға ПЧ-39, ПЧ-40 мекемелерінің басшылары, тәжірибелі жолшылар кеңес беруде.Жұмыстарды қазан айының 15-не дейін аяқтау жергілікті әкімдіктер тарапынан қадағаланады.  

Бүгінгі таңда желі бойындағы атқарылып жатқан барлық шаралар бөлімше басшылығының назарында тұр. Семей магистральдық желі бөлімшесінің басшысы Айдын Шәукежанов әсіресе күрделі жөндеу жұмыстарын жеке бақылауына алған. Нәтиже бойынша жол сауықтыруға қажетті материалдар мен жол машиналарын жеткізуде ешқандай кедергі жоқ. Ауа райының аптап ыстығы қайтып, қоңырсалқын орнағандықтан өндіріп жұмыс істеуге молынан мүмкіндік ашылып отыр. Түйіндей айтқанда, шығыстағы жол жаңарту жұмыстары межеге сай жүргізіп жатыр.  

 

Жүк тасымалы
18.09.2025
Қазақстаннан Қытайға өсімдік майының пилоттық партиясы жеткізілді
Цифрландыру
18.09.2025
Германия теміржолға 5G желісін енгізуде
Жаңалықтар
18.09.2025
Қарағандыда жүк пойызынан дизель ұрлаған қылмыстық топ ұсталды
Жаңалықтар
18.09.2025
Алматыда оқыту семинары өтті
Жолаушылар тасымалы
17.09.2025
Адамдар неге пойызбен жүруді жөн санайды?
Жолаушылар тасымалы
17.09.2025
Тағы қай бағыттың пойыздары Starlink интернетіне қосылатыны айтылды
Әлемде
17.09.2025
Калифорнияда сутекпен жүретін алғашқы пойыз іске қосылды
Жаңалықтар
17.09.2025
ALT университетінде ҚТЖ басшыларына арналған «Үздіктер алаңы» бағдарламасы басталды
Жүк тасымалы
17.09.2025
Қостанай өңірінен темір жолмен астық тасымалдау 20%-ға артты
Жаңалықтар
17.09.2025
Теміржолшылар қалдықтарды сұрыптау жолдарын үйренді
Жаңалықтар
16.09.2025
Теміржолшылардың қысқы маусымға дайындығы талқыланды
Жүк тасымалы
16.09.2025
Қытай – Қазақстан – Түрікменстан – Иран теміржол дәлізі жанданады
Трансформация
16.09.2025
Жүк тасымалы мен магистральдық желіні біріктіру – уақыт талабы
Аймақтар
16.09.2025
Қысқа әзірлік қарқынды жүргізілуде
Қауіпсіздік
16.09.2025
Екі көпір тұрса да, ерінетіндер көп
Аймақтар
16.09.2025
Әулиеата командасы бас жүлдені жеңіп алды
Қауіпсіздік
16.09.2025
«ҚТЖ»-да еңбек қауіпсіздігі мен экология бойынша үздіктер анықталды
Жаңалықтар / Мұрағат
16.09.2025
Қазақстан теміржолшысы газеті, №75 16 қыркүйек 2025 жыл
Жаңалықтар
15.09.2025
ҚТЖ мен РЖД стратегиялық ынтымақтастық бойынша басым бағыттарды айқындап алды
Әлеумет
15.09.2025
Теміржолшының студент баласына жол ақысы өтеледі