Теміржолдағы «тар жерлер» 2030 жылға дейін жойылады
ҚТЖ-да теміржол инфрақұрылымының өткізу қабілетін арттыру бағдарламасы бекітілді. Құжат шектеу учаскелерін белгілеуге бағытталған іс-шараларды іске асыруды көздейді.
2030 жылға дейін қолданыстағы станциялық жолдарды ұзарту және қосымша станциялық жолдарды салу, жаңа бөлек пункттерді ашу, автоблоктауды енгізу және екінші жолдарды салу жоспарлануда. Бұл ретте жобалау-сметалық құжаттаманы (ЖСҚ) әзірлеуге шамамен құрылыс құнының 3-7% талап етіледі.
Мерзімдерді қысқарту және ЖСҚ әзірлеу құнын төмендету үшін компанияда білікті жобалаушыларды тарта отырып, жобалау тобы құрылды.
Жобалық топ бастапқы - рұқсат беру құжаттамасын (СЖТ, жер учаскелеріне құқық белгілейтін құжаттарды) жинау бойынша жұмыстарды бастады. Мамандар магистральдық желінің Қостанай, Павлодар, Алматы, Жамбыл, Шымкент бөлімшелерінде іздестіру жұмыстарын жүргізді.
2024 жылдың бірінші жартыжылдығында жобалық топ мемлекеттік сараптаманың оң қорытындысын ала отырып, 10 жуық жобаны әзірлеуді аяқтауды жоспарлап отыр.
Бүгінгі таңда теміржол инфрақұрылымы мен жылжымалы құрамның қазіргі жағдайы теміржолдың тұрақты жұмыс істеуін тежейтін фактор болып табылады.
Жүк тасымалының жылдам өсіп келе жатқан көлемін қамтамасыз ету үшін компания қазірдің өзінде төрт ірі инфрақұрылымдық жобаны іске асыруда. Үш жыл ішінде Достық–Мойынты, Бақты–Аягөз, Дарбаза–Мақтаарал учаскелерінде теміржол желілері және жалпы ұзындығы 1334 км Алматы айналма жолы салынады.Сондай-ақ Жезқазған – Жарық, Қазалы – Арыс, Алматы – Алтынкөл, Ақсу– Жаңа Семей, Қандыағаш-Тобыл бір жолды учаскелерін дамыту бойынша шаралар қабылдануда.