Вокзалдар жаңғыртылмақ
«Қазақстан теміржолшысы» газетінің тілшісі
ҚТЖ қолданыстағы теміржол инфрақұрылымының өткізу қабілетін арттыру бағдарламасын жүзеге асыруда. Оның шеңберінде теміржол вокзалдарын жаңғырту іс-шаралары да қарастырылған.
Жолаушылар мен жүк тасымалына сұраныстың өсу динамикасын, транзиттік жүк тасымалының ұлғаюын ескере отырып, темір жолдардың жаңа учаскелерін салумен қатар 2030 жылға дейін 180-нен астам теміржол вокзалының өткізу және өңдеу қабілетін дамыту жоспарланған.
Мамандардың айтуынша, қосымша разъездер, қабылдау-жөнелту жолдары мен диспетчерлік съездер салынып, қолданыстағы жолдар ұзартылмақ, сондай-ақ бұрын бөлшектелген жолдар қалпына келтіріледі деп күтілуде.
2024 жылдың басынан бастап жер учаскелерінің қосымша учаскелерін келісу және тіркеу, жобалау-іздестіру жұмыстарын жүргізуге тиісті рұқсаттарды, уәкілетті органдардың қорытындыларын, яғни сәулет-жоспарлау тапсырмалары, экологиялық сараптамалар сынды тағысын тағы рұқсатнамаларды алу жұмыстарын жүргізу басталған.