Жолшыларға сұраныс жоғары

Инфрақұрылым
15.11.2019, 15:28
Жансая Сыдықбай

Шымкент қаласы бойынша меншікті тілшісі

Өткен айдың соңында Шымкент жол дистанциясында күзгі комиссиялық тексеру өткені белгілі. Осыған орай, аталған мекеменің бастығы Н. Алиевтің төрағалығымен өткізілген қорытынды жиында жол шаруашылығына байланысты бірталай кемшіліктердің беті ашылғаны мәлім болды.

Дистанция бойынша жер төсемдері, жасанды құрылыстар, өндірістік-техникалық ғимараттар мен темір жол алабын, еңбек қорғаудың жай-күйі кеңінен талқыға салынып, кемшілікке жол бергендер жауапқа тартылған. Пойыздардың қозғалыс қауіпсіздігін сақтау мақсатында жол дистанциясының тұрақты да үзіліссіз жұмыс істеуін қамтамасыз етуге жауапты жолшылар қалай жұмыс істеген дегенге келсек, 9 қыркүйекте басталып, 25 қазанда аяқталған күзгі комиссиялық байқау кезінде дистанцияда арнайы үш комиссия жасақталып, бірінші комиссия негізгі бас жолдардан 117, 93 км, станция жолдарынан – 37,3 км, 164 бағыттама бұрмаларды тексерген. Екінші комиссия – негізгі бас жолдардан – 109,3 км, станциялық жолдар – 52,4 км, 198 жиынтық бағыттама бұрмаларды, ал үшінші комиссия – негізгі бас жолдардан 145,77 км, станция жолдарынан – 41,2 км, 166 бағыттама бұрмалар жиынтығын мұқият қарап шыққан. Тексеру барысында сала мамандары басты назарда жолдың шпал асты лайланған учаскелерін, бунақтарды бекіту қысқыш және ендірмелі бұрандаманың тартылу күші мен бунақтардың бойлық бағыттағы жылжып кеткен-кетпегеніне баса назар аударған. Сондайақ, жолдан шыққан жол үсті жарамсыз материалдар бір жерге жинастырылып, өндірістік-техникалық ғимараттар мен темір жол алабы эстетикалық талаптарға сәйкес келтірілуін назарға алған. Түйіспесіз жолдардың температуралық режимге дұрыс бекітілуі, рельс тізбегі мен ажыратқыш түйіспелердің жағдайы, жол белгілерінің, сым қоршаудың жағдайлары да назардан тыс қалмады. Нәтижесінде комиссиялық тексеру барысында 5718 кемшілік анықталды. Таратып айтсақ, негізгі бас жолдардың жарамсыз шпалдарының саны – 6203 ағаш, 5124 темірбетон шпал, барлығы – 11327 дана. Станция жолдарының жарамсыз шпалдарының саны – 7135 ағаш, 1645 дана темірбетон шпал, барлығы – 8780 дана. Рельс саңылауларын ретке келтіру – 4,1 км, жолдың ығысуын ретке келтіру – 3,2 км, жолдың шегесін қағу – 2,3 км, қысқыш және ендірмелі бұрандамаларды бекіту – 7,9 км, басқа да балластың жетіспеуі, рельс табанындағы жарамсыз резиналық төсемдер, т.т. кем-кетік белгілі болған. Бұдан басқа, күзгі комиссиялық тексеру барысында 1, 2, 4, 6, 8, 10, 11, 12, 14 айналымдарда көптеген кемшіліктер анықталыпты. Атап айтқанда, бірінші айналымда 413 кемшілік, екінші айналымда 37 кемшілік, бесінші айналымда 667 кемшілік, алтыншы айналымда 356 кемшілік, оныншы айналымда 565 кемшілік, он бірінші айналымда 200 кемшілік анықталған, он екінші айналымда 420 кемшілік, он төртінші айналымда 583 кемшілік есепке алынған. Комиссиялық тексеру негізінен жарамсыз ағаш шпалдар, белдіктер, рельс табанындағы жарамсыз резеңкелер, шпалдарды айдау, шпал астының құрғақ лайының тазаланбауы, жол түзету жұмыстары, түйіспе саңылауларын ретке келтіру жұмыстары толығымен жүргізілмеген деген қорытындыға келді. Бұл жағдайлар жоғарыда айтылған айналымдардың жол шеберлері мен жол бригадирлерінің өз міндеттеріне немқұрайлы қарағандығынан жіберіліп отырғаны қадап айтылды. Табылған кемшіліктерді уақытылы жою үшін ісшара және күнтізбелік жұмыс жоспары жасалып, 5718 кемшіліктің тең жартысы табанда жойылып, қалғанына белгілі уақыт берілген. Сондай-ақ, кемшіліктерге жол бергені үшін телім басшылары Б.Маденов, А.Теңізбаев қатаң сөгіс, жол шеберлері Т.Өскенбаев, Н.Абдраимов, С.Жаманқұловқа, А.Садыбековке, А.Көлбаев, А.Үсенов, Д.Төлемісовке ескерту, жол шеберлері К.Ағыбаев, Ж.Абилов, М.Нұрашевқа сөгіс, телім басшылары Н.Байтықов, К.Халымбетовке, жол шеберлері П.Жанаш, К.Жоланов, А.Садыбековке қатаң сөгіс жарияланды. «Күзгі байқауда анықталған кемшіліктерді уақытылы жою үшін арнайы күнтізбелік жоспар және іс-шаралар бекітілді. Кем-кетікті толығымен жою үшін қажетті материалдар мен машина-механизмдер тізбесі жасалып, қамтамасыз етуді сұрап, жол және құрылыс департаментіне тиісті құжаттар жібердік», – дейді дистанция басшысы Н.Алиев. 

Жаңалықтар
29.03.2024
"Қазтеміртранс" АҚ өзінің жылжымалы паркін ұлғайтты
ҚТЖ келбеті
29.03.2024
Жылғаның жол шебері
Аймақтар
29.03.2024
Абай елінде Наурыз мейрамы ерекше тойланды
Жаңалықтар / Мұрағат
29.03.2024
«Қазақстан теміржолшысы» газеті, №27-28 29 наурыз 2024 жыл
Аймақтар
29.03.2024
Ақтөбелік теміржолшылар ұлттық дəстүрді жаңғыртты
Спорт
29.03.2024
Маңғыстауда «Наурызнама» онкүндігі аясында спорттық сайыстар өтті
Инфрақұрылым
29.03.2024
Түркістанда өткен келелі кеңестер
Жаңалықтар
28.03.2024
Қазақстан «Солтүстік – Оңтүстік» дәлізін дамытуда көрші елдермен ынтымақтасуға дайын – Тоқаев
Аймақтар
28.03.2024
Әз-наурыз қасиет дарып, құт қонған Түркістанда өтті
Аймақтар
28.03.2024
Берекелі мереке
Инфрақұрылым
28.03.2024
Аққұм – Талап учаскесінде күрделі жөндеу басталды
Аймақтар
28.03.2024
Достық станциясында «Қыз сыны» байқауы өтті
Аймақтар
28.03.2024
Атырауда Наурыз мейрамы жалпыхалықтық сипат алды
Жаңалықтар
28.03.2024
KTZ Express және Chengdu International Railway Port Investment & Development Co Ltd келіссөздер жүргізді
Жаңалықтар
28.03.2024
Ұлттық дәстүр ұлықталған күн
Жаңалықтар
28.03.2024
Қытайлық серіктестермен ынтымақтастық перспективалары талқыланды
Жаңалықтар
27.03.2024
Қауылжыр станциясында пойыздар қозғалысы қалпына келтірілді
Жаңалықтар
27.03.2024
Теміржолдағы су тасқыны жағдайы күнделікті бақылауда
Жаңалықтар
27.03.2024
Батыр Котырев ҚТЖ корпоративтік омбудсмені болып тағайындалды
Жолаушылар тасымалы
26.03.2024
Көктемгі мереке күндері 860 мыңнан астам жолаушы ҚТЖ пойыздарын пайдаланды