Көпірлер күрделі жөндеуден өтеді

Инфрақұрылым
18.05.2021, 14:54
Сұлугүл Бакесова

«Қазақстан теміржолшысы» газетінің тілшісі

Үстіміздегі жылы «Қазақстан темір жолы» ұлттық компаниясы 14 темір жол көпірін жөндеуден өткізуді жоспарлап отыр. 2021 жылдың аяғына дейін Алматы, Батыс Қазақстан, Оңтүстік Қазақстан, Шығыс Қазақстан, Қарағанды облыстарында теміржол көпірлері жөнделеді. Атап айтқанда, Ақтоғай-Алматы-1, Арыс-Шымкент, Защита-Зырян, Түлкібас-Жамбыл, Тақибай-Жаңа-Семей учаскелеріндегі жасанды құрылымдарға күрделі жөндеу жүргізілмек. Сонымен қатар, 2021 жылы Орал өзені арқылы өтетін ұзындығы 728 метрлік Желаево-Пойма учаскесіндегі 1917 жылы салынған үлкен көпірге де жөндеу жұмыстары басталмақ. Жалпы «ҚТЖ» ҰК» АҚ желісінде 3500-ден астам көпір бар. Өткен жылы бір көпір жөндеуден өткен. Ал биыл жөнделетін көпір саны бірнеше есеге артып отыр. «Теміржолдағы көпірлердің көбісі өткен ғасырдың басында, ортасында, қала берді соңында салынған. Жөндеу жұмыстарын кім жүргізеді деген мәселеге келсек, алдымен Компанияның Сатып алулар департаменті байқау жариялап, өзінің шарттары мен ұсынылатын бағаны жариялайды. Осы шарттар талабының үдесінен шыққан кәсіпорын жеңімпаз деп танылып, сәйкесінше олармен келісімшарт жасалады. Біз осы жөндеу жұмыстарын бақылап, біткен соң қабылдап аламыз. Әрине, техникалық қадағалаушы орган көпірлерге жөндеу жүргізу барысында қолданылатын құрылыс материалдарының сапасын, жүргізіліп жатқан жөндеу жұмыстарының технологиясының сақталуын, яғни бәрін-бәрін қадағалайтын болады. Әрине, көпір жөндеу ісінде тәжірибесі мол кәсіпорындар жеткілікті. Байқау ашық өтеді және оған осы салада маманданған және қызығушылық танытқан кез келген заңды тұлға қатыса алады. Біз тек тапсырыс беруші және қабылдаушы тарап ретінде рөл атқаратын боламыз. Жалпы, көпірлер арқылы тек жолаушылар пойыздары ғана емес, салмағы бірнеше есе ауыр жүк құрамдарының да өтетінін ескерсек, жасанды құрылымдардың техникалық жағдайы қашанда талапқа сай болу қажет», – деп ақпарат берді Жол және құрылыстар департаментіне қарасты Жасанды құрылымдарды жөндеу бөлімінің бастығы Ардақ Төлеуғалиев. Жалпы Ұлттық компания Өндірістік бағдарлама шеңберінде теміржол инфрақұрылымының негізгі қорларын жаңартуға, қозғалыс қауіпсіздігі деңгейін көтеруге және жолаушылар мен жүк пойыздарының жылдамдығын арттыруға бағытталған шараларды жүзеге асыруды жалғастырып келеді. Соның жарқын көрінісі ретінде, биыл қолға алынып отырған, көптен бері жаңартылмаған теміржол көпірлерінің күрделі жөндеуін айтар едік.

Жаңалықтар
29.03.2024
Қалпына келтіру пойызының арнайы техникасы Атасу станциясындағы қарғын суды бұруға тартылды
Жаңалықтар
29.03.2024
"Қазтеміртранс" АҚ өзінің жылжымалы паркін ұлғайтты
ҚТЖ келбеті
29.03.2024
Жылғаның жол шебері
Аймақтар
29.03.2024
Абай елінде Наурыз мейрамы ерекше тойланды
Жаңалықтар / Мұрағат
29.03.2024
«Қазақстан теміржолшысы» газеті, №27-28 29 наурыз 2024 жыл
Аймақтар
29.03.2024
Ақтөбелік теміржолшылар ұлттық дəстүрді жаңғыртты
Спорт
29.03.2024
Маңғыстауда «Наурызнама» онкүндігі аясында спорттық сайыстар өтті
Инфрақұрылым
29.03.2024
Түркістанда өткен келелі кеңестер
Жаңалықтар
28.03.2024
Қазақстан «Солтүстік – Оңтүстік» дәлізін дамытуда көрші елдермен ынтымақтасуға дайын – Тоқаев
Аймақтар
28.03.2024
Әз-наурыз қасиет дарып, құт қонған Түркістанда өтті
Аймақтар
28.03.2024
Берекелі мереке
Инфрақұрылым
28.03.2024
Аққұм – Талап учаскесінде күрделі жөндеу басталды
Аймақтар
28.03.2024
Достық станциясында «Қыз сыны» байқауы өтті
Аймақтар
28.03.2024
Атырауда Наурыз мейрамы жалпыхалықтық сипат алды
Жаңалықтар
28.03.2024
KTZ Express және Chengdu International Railway Port Investment & Development Co Ltd келіссөздер жүргізді
Жаңалықтар
28.03.2024
Ұлттық дәстүр ұлықталған күн
Жаңалықтар
28.03.2024
Қытайлық серіктестермен ынтымақтастық перспективалары талқыланды
Жаңалықтар
27.03.2024
Қауылжыр станциясында пойыздар қозғалысы қалпына келтірілді
Жаңалықтар
27.03.2024
Теміржолдағы су тасқыны жағдайы күнделікті бақылауда
Жаңалықтар
27.03.2024
Батыр Котырев ҚТЖ корпоративтік омбудсмені болып тағайындалды