Кәсіподақ – теміржолшылар мүддесін қорғайды

Сұхбат
19.08.2022, 09:24
Суретті түсірген автор
Сабырхан Сейілбекұлы

Қызылорда облысы бойынша меншікті тілші

Қызылорда магистральдық желі бөлімшесі кәсіподақ ұйымының төрайымы Ажар Ерманова – қоғамдық жұмысқа төселген шебер ұйымдастырушы ретінде танымал жан. Сондықтан болар, кәсіподақ ұйымдастырған кез келген іс-шара жоғары деңгейде өтеді. Аймақ теміржолшыларының ыстық ықыласына бөленген кәсіподақ жетекшісімен бастауыш ұйымның жұмысы жөнінде сұхбаттасқан едік.

– Ажар Тілеуқызы, ең алдымен биыл аталып отырған Сала кәсіподағының 30 жылдық мерейтойы құтты болсын дейміз! Бастауыш ұйымның мақсаты мен міндеттері туралы айтып берсеңіз? 

– Бастауыш кәсіп одақ ұйымы – кәсіп одақ мүшелерінен тұратын қоғамдық ұйым. Жұмыскер кәсіподақ құрамына кіруге ерікті түрде ниет білдіреді. Ал мекемелерде құрылған бастауыш кәсіподақ ұйымының негізгі мақсаты осы кәсіподақ мүшелерінің мүддесіне жұмыс істеу болмақ. Бізде ол – теміржолшылар.  

Яғни, біздің бастауыш ұйымның міндеті жұмыс беруші мен жұмысшының арасындағы дәнекер ретін де теміржолшылардың еңбек құқығының сақталуы мен әлеуметтік тұрғыда қорғалуын қамтамасыз етуге атсалысу.  

Бұл жерде кәсіподақ ұйымына мүше әр азаматтың тек өздері ғана емес, олардың отбасы мүшелерінің әлеуметтік ахуалы мен денсаулығы, мұқтаждығы, т.б көптеген мәселелер қамтылуы тиіс. Ол үшін «ҚТЖ» ұлттық компаниясы мен оның еңбек ұжымы арасындағы ұжымдық шарт бар. Еңбек ұжымының, яғни теміржолшылар мүддесін қорғайтын Сала кәсіподағы. Міне, біздің негізгі сүйенетініміз де осы құжат. Онда теміржолшылардың еңбек ету және демалу құқығы, балалар демалысын ұйымдастыру, қандай жағдайда олар бір реттік көмек алуға құқылы, жеңілдіктер, тағысын тағы әлеуметтік кепілдіктер осы құжат арқылы заңдық тұрғыда бекітілген деуге болады. Яғни, Ұжымдық шарт – теміржолшылар құқығының кепілі. Теміржолшылардың әлеуметтік мүддесін қамтитын құжат.  

– Нақты мысалдар келтіріп өтсеңіз, мысалы, биыл аймақ теміржолшылары қандай игіліктерге қол жеткізді?  

– Жұмысшылар мен олардың жанұяларының жағдайын және зейнеткерлерді де толық қамтитын ұжымдық шартта көрсетілген колдау-көмектің бәрін теміржолшылар алып отыр. Одан бөлек, кәсіподақ ұйымының жеке қаражаты, яғни мүшелер жарнасы есебінен атқарылған жұмыстар өте көп. Былтыр барлығы 78 адамға түрлі жағдайға байланысты қайырымдылық көмек көрсетілген. 31 зейнеткерге Қарттар күні мен теміржолшылар мерекесіне орай көмек берілді. Биыл да 15 зейнеткер тиісті көмегін алды. 21 адамның отбасы жағдайына байланысты көмек сұраған өтініштері қанағаттандырылды. Ұжым дық шартқа сәйкес еңбек демалысына шыққандар сауықтыру орындарына екі жылда бір рет жолдама ала алады немесе оның құны төленеді. Одан бөлек, кәсіподақтың өз қаражаты есебінен өтіп жатқан түрлі қайырымдылық акцияларына қаржылай көмек көрсетеміз. Тек биылғы жазда 84 баланың демалысы ұйымдастырылды, олар еліміздің түрлі лагерьлерінде жаз қызығын өткізді.  

– Биыл Сала кәсіподағының 30 жылдығы мен ҚТЖ-ның 25 жылдығына орай өткізіп жатқан іс-шаралар туралы не айтар едіңіз?  

– Биыл екі бірдей датаның қатар келуі біздің жұ мысымызды ширата түскені анық. Жыл басында Орталық Сала кәсіподағының нұсқауымен атқа рылатын іс-шаралар жоспарын жасадық. Мысалы, дәл биылғы жылдай теміржолшылар арасында кең ауқымда спорттық шаралар көптен өткізілген жоқ. 30 жылдыққа орай Қызылордада, Қазалыда футбол турнирі ұйымдастырылды. Волейбол, шахмат туры өтті. Қызметкерлер арасында өз өнерін дәріптеу, яғни өнерлі теміржолшыларды насихаттау үшін бірнеше сайыс өткізілді. Балалардың жергілікті музейге саяхаты мен олардың шығармашылығын дамыту бойынша сурет сайысы өтті. Алдағы уақыт та балалар арасында түрлі деңгейдегі жарыстар, саяхат-серуені ұйымдастырылады. Осының бәрі не кәсіподақ қаражаты есебінен қомақты қаржы бөлініп отыр.  

– Рахмет, еңбектеріңіз дәйім жемісті болсын!  

 

Қауіпсіздік
31.03.2023
ҚТЖ-ға қарасты кәсіпорындар көктемгі байқауға дайындалуда
Әлеумет
31.03.2023
Рамазан – қайырымдылық айы
Аймақтар
31.03.2023
«Алтын қорға» айналған кітапхана
Әлеумет
31.03.2023
«Табысты отбасы» жобасы аясында гранттар табысталды
Қауіпсіздік
31.03.2023
Ақауды дыбысынан анықтап, апаттың алдын алды
Аймақтар
31.03.2023
Шымкентте ағымдағы жұмыстар пысықталды
Инфрақұрылым
31.03.2023
Магистраль бойындағы модульдік кабельдер жаңарады
Аймақтар
31.03.2023
Атырауда біліктілікті арттыру дәрісі өтті
Жаңалықтар
31.03.2023
Заңдағы өзгерістер түсіндірілді
Жаңалықтар
31.03.2023
Африкада өткен ITF конференциясына ҚТЖ өкілдері қатысты
Мұрағат
31.03.2023
«Қазақстан теміржолшысы» газеті, №25 31 наурыз 2023 жыл
Жаңалықтар
30.03.2023
Алматы теміржол вокзалы ҚТЖ-ға қайтарылады
Жаңалықтар
30.03.2023
«Қазтеміртранс» АҚ мамандандырылған ұйымдарға кәдеге жарату үшін 30 келіден астам батарея тапсырды
Әлемде
30.03.2023
Франция жаңа жүрдек пойыздарды іске қоспақ
Жаңалықтар
29.03.2023
Қазақстан мен Қытай арасындағы жүк тасымалы жаңа белеске көтерілді
Жүк тасымалы
29.03.2023
KTZ Express және China Xinjiang Electronic Port ынтымақтастық туралы меморандумға қол қойды
Әлемде
29.03.2023
50 жыл бұрын жабылып қалған теміржол маршруты қайта ашылатын болды
Жаңалықтар
29.03.2023
Теміржолшыларға сыбайлас жемқорлыққа қарсы заңнама түсіндірілді
Аймақтар
28.03.2023
Баталы ел арымас
Аймақтар
28.03.2023
Өнерліге өріс кең