ҚТЖ экологиялық челленджді бастады
«ҚТЖ» ҰК» АҚ-ы 10 күндік экологиялық челленджді бастады. Ұлттық компания өз қызметкерлерін бір аптадан астам уақыт ішінде экологиялық әдеттерді бірге қабылдауға шақырады, деп хабарлайды Rail-news.kz.
Челлендж қоршаған ортаны қорғау бойынша «Birgemiz: Taza Álem» жалпыұлттық жобасының аясында іске қосылды.
Челлендждің негізгі мақсаты – азаматтарды экология, оның ішінде қоршаған ортаны қорғау саласындағы волонтерлік қызметке тарту болып табылады.
Компания мынанда қарапайым эко-әдеттерді бірге бойға сіңіруге шақырады:
20 қыркүйек «Пластикалық пакеттерден бас тартыңыз. Оларды эко-сөмкелерге ауыстырыңыз»;
21 қыркүйек «Электр қуатын үнемдеңіз»;
22 қыркүйек «Жаяу жүріңіз (лифттен, көліктен бас тарту)»;
23 қыркүйек «Кофе өзіңмен бе? Өз ыдысына құйып ал!»;
24 қыркүйек «Дәстүрлі шамның орнына қуат үнемдейтін шам»;
25 қыркүйек «Бір реттік пайдаланатын заттардан бас тартыңыз»;
26 қыркүйек «Су үнемдеңіз»;
27 қыркүйек «Жұмыс үстелінді ретке келтір»;
28 қыркүйек «Түскі асынды өзіңмен алып кел»;
29 қыркүйек «Қоқысты сұрыптаңыз».