ҚТЖ-да әр қызметкердің кәсіби және жеке іскерлік құзыреттерін дамыту бойынша жұмыс жүргізілуде
Корпоративтік даму бағдарламасына сәйкес «ҚТЖ» ҰК» АҚ-да «Хатшы-PRO» оқыту өтіп, оның қорытындысы бойынша компанияның 42 хатшысы жаңа дағдылар мен білім алды, деп хабарлайды Rail-news.kz.
Оқытудың негізгі тапсырыс берушілері – «ҚТЖ» ҰК» АҚ кеңсе қызметінің бастығы Сәуле Борамбай мен «ҚТЖ» ҰК» АҚ адам ресурстарын басқару департаментінің директоры Сәуле Истлеева.
Басты мақсат – жеке және командалық тиімділік деңгейін арттыру; ішкі коммуникациялардың тиімді құралдарын анықтау; мінез-құлық этикасын жақсарту және компанияның бизнес басымдықтарын түсіну. Оқытудың алғышарттары – хатшылар функциясын аутстаффингке ауыстыру, бизнес-процестерді оңтайландыру және цифрландыру бойынша сын-қатерлерді ескере отырып, құзыреттерді дамыту.
– Қазіргі оқту бағдарламасы бай және ерекше. Тұрақты өзгерістер, бизнесті трансформациялау және цифрландыру, сыртқы сын-қатерлер мен нарықтық өзгерістер жағдайында біз үшін басты мақсат – әрбір қызметкердің кәсіби және жеке іскерлік құзыреттерін дамыту, - дейді «ҚТЖ» ҰК» АҚ адам ресурстарын басқару департаментінің директоры Сәуле Истлеева.