Нұрлан Сауранбаев теміржолшы қыз-келіншектерді құттықтады
«ҚТЖ» ҰҚ» АҚ басқарма төрағасы Нұрлан Сауранбаев теміржол саласында қызмет етіп жатқан әйелдер қауымын 8 наурыз мерекесімен құттықтады!
Құрметті арулар!
Ер азаматтар атынан көктемнің шуақты мерекесі – 8 наурыз әйелдер күнімен шын жүректен құттықтаймын!
Әйел барлық қиындықты жеңе білетін сарқылмайтын күш, тірліктің қайнар бұлағы деп жатады. Саланың әр учаскесінде ерлерден кем түспей еңбек етулеріңіз соның дәлелі де. Көктемнің алғашқы күндерімен қатарласа келетін төл мерекелеріңізде сіздерге арналған жылы сөздерімізді, игі тілектерімізді жеткізіп жатуымыз да сондықтан. Әр кезде де өз істеріңізге адалсыздар. Сонымен қатар отбасы береке-бірлігінің ұйытқысы болып, әйелге тән нәзіктік пен әдемілікті сақтап келе жатуларыңыздың өзі ғажап.
Еліміздегі бейбіт өмір мен жарқын болашаққа деген сенімнің, ізгілік пен мейірімділіктің ұйытқысы да өздеріңіз. Осылайша ер азаматтардың сыйластығы мен құрметіне бөлене беріңіздер. Аз шаршап, көп күліңіздер, әр күн сіздерге қуаныш сыйласын.
Мереке бақыт пен байлық, жақсылық пен сәттілік, көтеріңкі көңіл-күй мен шат күлкі сыйласын!
Сіздерге шынайы көңілден зор денсаулық, баянды бақыт, шаңырақтарыңызға шаттық, еңбектеріңізге табыс тілейміз!