Нашақорлық – қауіпті дерт
Түркістан облысы бойынша меншікті тілші
Шымкент станциясындағы желілік полиция бөлімінің ұйымдастыруымен Шымкент айналым локомотив депосының ұжымымен кездесу өтті.
Желілік полиция бөлімінің есірткі бизнесіне қарсы іс-қимыл басқармасының жедел уәкілі, полиция майоры Манас Шотанов және полиция капитаны Айбек Калдыбек есірткінің зияны жайлы дәріс оқып, сонымен қатар оны таратудың баптары, оған тағайындалатын жаза туралы ақпарат берді.
– Нашақорлық – дерт, қазіргі қоғамның басты мәселелерінің бірі болып отыр. Оны тарату, соның ішінде әлеуметтік желілерде тарату өткір мәселе болып тұр. Танымал интернет-ресурстар қазір қызықты заттарды сату туралы күмәнді хабарларға толы. Веб-сайттарда графити-суреттерді көбірек көре аласыз. Қазіргі уақытта дәрі-дәрмекті сатқаны үшін жаза қатайтылады. Мысалы, есірткіні интернет арқылы таратқаныңыз үшін сіз ұзақ уақыт түрмеге отыруыңыз мүмкін. Мұндай әрекеттер ауыр қылмыстар санатына жатады, ол үшін 10 жылдан 15 жылға дейін бас бостандығынан айыру жазасы тағайындалуы мүмкін, – деді полиция майоры.
