Қытайлық инвесторлар Құрғақ портты дамытпақ

Жаңалықтар

16.05.2017, 10:17

Бейжіңде өткен «Бір белдеу – бір жол» атты халықаралық ынтымақтастық форумына қатысқан Қазақстан президенті Нұрсұлтан Назарбаевпен бірге айтулы шараға ҚР Премьер-министрінің бірінші орынбасары Асқар Мамин, Инвестиция және даму министрі Жеңіс Қасымбек, «ҚТЖ» ҰК» АҚ басшысы Қанат Алпысбаев қатысып, бірқатар келісімге қол жеткізді. Атап айтқанда, «Бір белдеу – бір жол» халықаралық серіктестік форумы аясында «Қазақстан темір жолы» ҰК» АҚ COSCO Shipping, Ляньюньган портымен бірлесіп «Қорғас Шығыс қақпасы» АЭА дамыту инвестициялық келісіміне қол қойды. Қытайлық инвесторлар «KTZE – Khorgos Gateway» ЖШС Құрғақ портының 49 пайыздық үлесін сатып алуды жүзеге асырады. Стратегиялық инвесторлар тарту Азия мен Еуропаның арасындағы жүк ағынын арттыруға, еуразиялық логистикалық инфрақұрылымды дамыту мен транзиттік тасымалда жоғары көрсеткіштерге жету, жүктерді сақтау мен тасымалдауға, оның ішінде Құрғақ порты аумағының әлеуетін дамытуға бағытталады. «Қорғас-Шығыс қапасы» АЭА COSCO Shipping компаниясының қызметін пайдалана отырып, ғаламдық логистикалық қызмет көрсету деңгейіне көтеріліп, қазақстандық транзиттік бағдарларын халықаралық логистикалық желі тізбегіне қосылатындай етеді. Қол қойылған келісім Қазақстан Республикасы мен Қытай Халық Республикасы арасындағы көліктік-логистикалық саланы дамытуға, қазақстандық «Нұрлы жол» бағдарламасы мен қытайлық «Жібек жолы экономикалық белдеуі» бастамашылығын үйлестіре дамытуға ықпал етеді. Салтанатты қол қою шарасына ҚР Премьер-министрінің бірінші орынбасары Асқар Мамин, Инвестиция және даму министрі Жеңіс Қасымбек, ҚР Сыртқы істер министрі Қайрат Әбдрахманов, Ляньюньган қаласының мэрі Сян Сяолун қатысты. Айта кетерлігі COSCO Shipping логистикалық қызмет көрсететін әлемдік ірі теңіз операторы. Корпорация құрамында 1100 теңіз кемесі 1,6 млн контейнерге қызмет көрсетеді. 300-ден астам халықаралық және ішкі теңіз бағдарларына шығады. Әлемнің 79 мемлекетіндегі 254 портпен қатынас жасайды. Ляньюньган порты Қытайдың Сары теңіздегі ірі теңіз айлағы, әлемнің 30 ірі порты қатарына кіреді. Жылына 200 миллион тоннадан астам жүкті 5 миллион контейнермен жеткізе алатын әлеуеті бар.

Қытайлық инвесторлар Құрғақ портты дамытпақ

Басқа да жаңалықтар

Қазақстан теміржолшысы газеті, №45 13 маусым 2025 жыл