Вокзал қызметкерлері мүгедектігі бар адамдармен өзара әрекеттесу дағдыларын арттырды
Жолаушыларға қызмет көрсетумен байланысты Нұрлы жол вокзал кешенінің қызметкерлері үшін "ДОС" Тәуелсіз өмір" орталығы – мүгедектердің қоғамдық бірлестігінің өкілдері арнайы тренинг өткізді.
Қатысушылар мүмкіндігі шектеулі азаматтармен жайлы қарым-қатынас орнату бойынша білім мен дағдылар кешенін алды. Сондай-ақ олар халықаралық стандарттарға сәйкес мүгедектер арбасын пайдалану, тірек-қимыл аппараты зақымданған адамдарды отырғызу және түсіру бойынша практикалық дағдыларға үйретілді.
"ҚТЖ" ҰК" АҚ – "Астана темір жол вокзал кешені" филиалы директорының орынбасары Айгүл Өксікбаеваның айтуынша, вокзал кешенінің қызметкерлері барлық жолаушыларға, оның ішінде мобильділігі төмен жолаушыларға автокөліктен вагонға дейін және вокзал аумағы арқылы алып жүруді қамтамасыз ете отырып, кез келген көмек пен жәрдем көрсетуге тырысады.
- Мұндай тренингтер қызметкерлеріміздің құзыреттілік деңгейін жақсартады және жайлы инклюзивті ортаның жаңа деңгейін құруға мүмкіндік береді, - деп атап өтті ол.
ҚТЖ ерекше қажеттіліктері бар адамдар үшін кедергісіз орта құруда вокзалдардың инфрақұрылымын жаңғырту жұмыстары жүргізілуде. Брайль шрифтімен орындалған мнемикалық схемалар мен ақпараттық тактильді тақтайшалар орнатылады. Анықтамалық бюролар есту қабілеті нашар адамдарға арналған индукциялық панельдермен жабдықталған. Вокзал бойынша 100 астам вокзал кезекшілерін шақыру түймелерімен жабдықталған.
Билет кассалары мен санитарлық тораптарды қайта жабдықтау жұмыстары жүргізілуде.