Мүмкіндігі мол, тиімділігі шексіз

Жаңалықтар

21.06.2017, 14:26

Теміржолдағы қауіпсіздік мәселесі қашан да басты назарда. Соның айғағы – өткен аптада Астана станциясының теміржол паркінде тежегіштерді сынау қуаты қондырғысы (УЗОТ) орнатылды. Қондырғы Астана вагон пайдалану депосы жұмысшыларының өз күшімен онатылды. Вагон шаруашылығы департаментінің директоры Елбек Майданұлы мен депо директоры Ғалибек Аманбаев осы іске атсалысқан барлық сала мамандарына алғыс білдірді. УЗОТ қондырғысы – жөнелту парктерінде жылжымалы құрам тежегішін дайындау үдерісін автоматтандыруға, тежегіштерді дайындау сапасына бақылау жүргізуге, паркте технологиялық тәртіптің сақталуына мүмкіндік береді. Осы жүйенің арқасында пойызға электровоз беруге дейін автотежегіштерді алдын ала тексеру мүмкіндігі туды. Сонымен қатар алдын ала тежегіш магистралінің ақауын жойып, істен шыққан тежегіш магистралінен вагон ағытпасын ажыратып алуға жағдай туғызады. Осындай қауіпсіздікті нығайтатын қондырғының бізде қондырылуы үлкен жаңалық дер едім, – деді жүк тасымалы компаниясының техникалық саясат жөніндегі вице-президенті Марат Шакенов. Осы жылдың басында ҚТЖ басшылығымен аталған қондырғыны Астана станциясының орташа тәуліктік жүк пойыздары айналымы 22 жұп пойыз болатын жүк қабылдап-жөнелту бойынша тақ паркінде орнату туралы шешім қабылданған болатын. Маусымның алғашқы бөлігінде аталған паркте УЗОТ қондыру жұмыстары аяқталды. Қондырғы жүйесіне пайдалану бойынша нормативтік техникалық құжаттама жасалып, бекітіліп, жүйе арқылы қызмет көрсету үшін ВЧД-8 қызметкерлері арнайы оқытылған. Нәтижесінде УЗОТ вагоншылардың өз күшімен, сонымен бірге локомотившілер көмегімен және «Темірсервис Астана», «Санос» ЖШС-нің қолдауымен орнатылып отыр. Соған қоса монтаждау жұмыстары кезінде екі компрессор қондырылды, 1200 метрлік магистральдық құбыр, 350 метрлік сым тартылып, автоматтандыру жүйесі қосылды, 6 баған қойылды. Астана станциясында бір пойызды өңдеуге, оны құрастырудан бастап, яғни локомотив келген сәттен технологиялық үдеріске сәйкес жүріп кеткенге дейінгі барлығы 60 минут уақыт кететін. Енді УЗОТ орнату арқылы сол өңдеу уақыты қысқарып, 40 минут қана болады. Осылайша бір жылда пойыздарды өңдеу уақытын 5500 сағатқа дейін қысқарту көзделуде. Қондырғының арқасында шартты жылдық экономикалық тиімділік ақшалай эквивалентте 341 миллион теңгені құрамақ. Ауа райының қолайсыздығында вагоншылардың жұмысын жеңілдететін және бұрынғы УЗОТ қондырғыларына қарағанда заманауи жетілдірілген түрінің орнатылғанына теміржолшылар ризашылықтарын білдірді. Себебі бұл қондырғы құрамдарды бірнеше жолда бір мезгілде өңдей беруге, локомотив тежегіштерінің пневматикалық бөлігін бақылауға, тозуды өздігінен анықтауға, автоматты және қолма қол режимде құрамның тежегіш желілерінің ұзындығы 580 оське дейін тығыздығын тексеруге, тежегіш бөлігіндегі ауа қысымы мен тығыздығына үздіксіз бақылау орнатуға, т.б мүмкіндіктер береді.

Мүмкіндігі мол, тиімділігі шексіз

Басқа да жаңалықтар

Қазақстан теміржолшысы газеті, №22-23 27 наурыз 2026 жыл