Ерасыл ертеңіне сенеді

Жаңалықтар

04.07.2017, 10:59

Ерасыл Жаңбырбаевтың жаңа Шалқар-Бейнеу теміржол тармағына жұмысқа араласқаны кеше ғана сияқты еді, міне бүгінде саладағы өзгерістерге байланысты Хромтау-Алтынсарин теміржолы аралығына жолдама алды. Еңбек жолын екі жыл бұрын бастаған 22 жастағы жас теміржолшы бүгінде жаңа ортаға бейімделіп, Шалқардан біршама алыста жатқан Әйтеке би станциясындағы вагондарға техникалық қызмет көрсету бекетінде вагон қараушы болып еңбек жолын жалғастыруда. -Шалқар-Тассай теліміндегі Аққайтым станциясында сигнал беруші болып еңбек жолымды бастадым. Мен үшін жаңа ұжым, жаңа орта, жаңа учаске. Өзім секілді жас мамандар аз болмады. Сондықтан, бізге бәрі қызық болды. ЗЖұмысқа ерекше құлшыныспен кірістік. Теміржол тарихында өзіндік орны бар, жаңадан ашылған жол аралығында қызмет ету бақыты бұйырғанына қуанып, әрі мақтанып, барлығын біз өзіміз бастап жатқандай күй кештік, - деп бастады әңгімесін жас жігіт. Екі жылдан енді аса бергенде, теміржол саласындағы реформалар жас теміржолшыны да айналып өтпегенге ұқсайды. Ерасыл жаңа ұжымға, жаңа ортаға тез үйреніпті. Күн сайын станциядан өтетін 10-11 пойызды қарап, вагон шаруашылығының жұмысын игере бастаған Ерасылмен әңгімеміз теміржол паркінде өрбіді. Одан Шалқар–Бейнеу аралығы мен Хромтау-Алтынсарин теліміндегі айырмашылық жайлы сұрадық. –Әрине, Шалқар-Бейнеу телімінде қозғалыс аз, соған орай вагон саны да аз. Ал мынау Хромтау-Алтынсарин пайдалануға берілгеніне 10 жылдан асқан телім болғандықтан, пойыз қатынасының әлдеқашан күш алып кеткен, қозғалыс та жиі. Соған қарап, енді бір он жылда Бейнеу – Жезқазған теміржолының бойы қаптаған пойыз, қалың қозғалыс болатынына сенімдімін,- деген жас теміржолшы ардағы арманымен де бөлісті. Теміржолшылар әулетінің өкілі Ерасыл атасы мен әкесінің жолын жалғастырылп осы кәсіпті таңдағанына тіпті де өкінбейді. Ақтөбе көлік, коммуникация және жаңа технологиялар колледжіне құжаттарын тапсырған күннен бастап алдына болашақта өз мамандығын толық меңгерген мықты теміржэолшы боламын деген мақсат қойды. Және ол арманының орындаларына, ертеңіне сенеді Ерасыл.

Ерасыл ертеңіне сенеді

Басқа да жаңалықтар

«Қазақстан теміржолшысы» газетінің 2025 жылғы 8 мамырдағы арнайы саны