Кірме жолдардағы қозғалыс қауіпсіздігіне бақылау күшейтілді
«КҚО» АҚ-да кірме жолдардағы қозғалыс қауіпсіздігін арттыру бойынша кешенді жұмыс іске асырылуда. Пайдаланудың маңыздылығы мен қарқындылығы дәрежесi бойынша жiктелген Кiрме жолдардың бiрыңғай базасы қалыптастырылды, деп хабарлайды Rail-news.kz.
Онда белсенді, стратегиялық, бөлшектелген және ішінара бөлшектелген 625 кірме жол ескерілген. Теңгерімге 65 жасанды құрылыс нысаны (көпірлер, құбырлар және т.б.) қабылданды және зерттелді. Қосымша көлік жүктемесі жоғары аймақтарда күзетілетін екі теміржол өткелі ашылды.
Барлық кірме жолдар мен бағыттамалық бұрмалар көктемгі тексеруден өткізілді. 2024 жылғы күзгі тексерумен салыстырғанда анықталған өрескел бұзушылықтар саны 13% -ға төмендеді. Тексеру қорытындысы бойынша «тар» жерлерді жою және сенімділікті арттыру жоспарлары жасалды.
Өндірістік учаскелердің бастықтары, инженерлер мен жол шеберлері арасында қауіпсіздік бойынша техникалық регламенттерді білуі тексерілді. Қызметкерлердің біліктілік деңгейін арттыру жөніндегі іс-шаралар жоспары бекітілді. Құрылымдардың барлық басшылары мен жол шеберлері жолдар мен бағыттамалы бұрмаларды ай сайынғы комиссиялық тексеруге қатысады.
2025 жылы шпалдар мен рельстерді ауыстыру арқылы 31,2 км кірме жолды жөндеу жоспарланған, оның 7,1 км жөндеуден өтті., Бұдан басқа, рельстер мен бағыттамалық бұрмаларды дефектоскоптау жоспарланып отыр (32,9 км). Сондай-ақ, мамандандырылған ұйыммен 10-ға жуық жасанды нысанды тексеру, теміржол өтпелеріне 466 жол белгілерін сатып алу көзделген.
Ауқымды паспорттау жүргізілуде: 2025 жылдың соңына дейін кірме жолдарға 188 техникалық паспорт ресімделеді және 470 жылжымайтын мүлік объектісіне мемлекеттік-техникалық тексеру жүргізіледі.
Сондай-ақ, жолдың жоғарғы құрылысының негізгі материалдарын, соның ішінде ағаш шпалдар, ауыстыру бөренелері, бұрандамалар, төсемдер, айқастырмалар, жөндеу жиынтықтары және т.б. сатып алу жоспарланған.
«КДО» АҚ менеджменттің интеграцияланған жүйесіне басым назар аударады. 2024 жылы компания TÜV Rheinland Kazakhstan сертификаттау аудитінен сәтті өтті және ISO 9001:2015 және ISO 45001:2018 стандарттарына сәйкестік халықаралық сертификаттарын алды. 2025 жылғы маусымда стандарттарға сәйкестігі инспекциялық аудит барысында расталды.
«КДО» АҚ қозғалыс қауіпсіздігін қамтамасыз ету және операциялық қызметтің тиімділігін арттыру бойынша барлық талаптарды мүлтіксіз орындауға бағытталған.