Билет кассасында – 40 жыл

Жаңалықтар
08.09.2017, 11:20

Семейдегі жолаушы тасымалы қызметінде кәсіби қызметтен көрген-түйгендері көп тәжірибелі мамандар қатары жетерлік. Солардың бірі, ағымдағы жылы теміржол саласына қызметке келгеніне тұп-тура 40 жыл толған  Гүлзира Берікболова.   Жалпы, Берікболовтар династиясы тек Шығысқа ғана емес, күллі республикаға танымал десек артық айтқандық емес. Әйгілі әулеттің алдыңғы толқын өкілі саналатын Гүлзира апай билет кассирі қызметінен  еңбек демалысына шықса да сүйікті кәсібінен әлі де қол үзген жоқ.  Тіршілігі қым-қуыт еңбек ордасының әр күні көңілді. Шартараптан ағылатын, сан алуан тағдырлар сапырылысатын вокзал басы Гүлзира Берікболованың екінші үйі тәрізді. Осында түрлі оқиғаларға куә болды. Қайбір жылдары жолаушылар орындығына қалдырылып кеткен тастанды сәбиді өз қолымен құндақтап дәрігерлерге табыстады. Енді бірде түрмедегі ұлын бір көріп кетуге оңтүстіктен келген, әмиянын ұрлатқан кейуанаға жәрдемдесіп үйіне апарып қондырды. Құжаттарын жоғалтқан шетелдіктерге көмектесіп, рәсімдеуге атсалысты. Жолдан қалып бара жатқан асығыс жандарға билет әперуге жәрдемдесті. Сондықтан болар әріптестері  Гүлзира апайды  «Семей вокзалының акушері» дейді әзілдеп. Акушер демекші, ол кісінің кезекшілігінде әйелдердің пойызда босану оқиғалары жиі тіркеледі екен. Бір қызығы, мұндай жайттардың барлығы тек шекара асатын, өзбек, қырғыз, ресейлік жылжымалы құрамдарда ғана орын алатыны таң қалдырады.  -Шекара асатын әйелдер жол үстінде босанса өзіндік қтындық кедергілері бар.  Себебі, құжаты жоқ нәрестені елден ары өткізбейді. Сондықтан, қалада алып қалып, жеке бас куәлігін рәсімдеуге де ұжым болып атсалысамыз, - дейді Гүлзира Мырзағалиқызы. Десекте, тәжірибелі маманның кеңесі жаңа толқын мамандар үшін ақылдың кені. Бүгінде өздерін  Гүлзира Мырзағалиқызының  шәкірті санайтын бір толқын бар.

Қуаныш ҚОЖАЕВ, Семей

Жаңалықтар
30.07.2025
"ҚТЖ" ҰК" АҚ және TCDD Taşimacilik A.Ş. Орта дәлізді дамыту жөнінде келісті
Инфрақұрылым / Әлеумет
30.07.2025
Ірі құрылыс жобалары 12,8 мыңнан астам адамды жұмыспен қамтып, өңірлер экономикасына серпін беруде
ҚТЖ келбеті
30.07.2025
Ерлік емей, немене?!
ҚТЖ келбеті
30.07.2025
Әке жолын жалғаған ұл
ҚТЖ келбеті
30.07.2025
Талабыңа нұр жаусын, Ержан!
Жаңалықтар
30.07.2025
ҚТЖ жүк тасымалының өсуіне байланысты машинист көмекшілерін қабылдауды ұлғайтты
Жолаушылар тасымалы
30.07.2025
«Астана – Бурабай курорты» бағыты бойынша қосымша электр пойызы іске қосылды
Жаңалықтар
30.07.2025
ҚТЖ мен Мерсин халықаралық порты Орта дәлізді дамыту аясындағы ынтымақтастықты талқылады
Жолаушылар тасымалы
29.07.2025
“Алматы-3” теміржол вокзалының құрылысы: Жоба қай кезеңде?
Жаңалықтар / Апта саны
29.07.2025
ҚТЖ-да қозғалыс қауіпсіздігін бұзу 4% қысқарды
Жолаушылар тасымалы
29.07.2025
Жолаушылар тасымалы жартыжылдық жұмысын қорытындылады
Сұхбат
29.07.2025
Қырықбай ӘЛСЕЙІТҰЛЫ: Теміржол саласында тағы бір жарқын кезең басталды
Станция тынысы
29.07.2025
Сағыз станциясы – құрылыс жүктерінің күретамыры
Инфрақұрылым
29.07.2025
Ақтөбе облысында жеті вокзал жөнделіп жатыр
Аймақтар
29.07.2025
Қырағылық – кәсібилік белгісі
Аймақтар
29.07.2025
Маңғыстау магистральдық желісінде 17 нысанға жөндеу жұмыстары жүргізілуде
Әлеумет
29.07.2025
Елордаға саяхат
Жаңалықтар / Мұрағат
29.07.2025
Қазақстан теміржолшысы газеті, №57-58 29 шілде 2025 жыл
Спорт
28.07.2025
ҚТЖ-ның «Railways team» командасы «Summer Relay 2025» жарысында жүлдегер атанды
ҚТЖ келбеті
28.07.2025
Сайыс өте қызық әрі қиын болды – Жасұлан Смағұл