ҚТЖ басшылығы Stadler зауытында болды
«ҚТЖ» ҰК» АҚ Басқарма төрағасы Талғат Алдыбергенов «Жолаушылар тасымалы» АҚ өкілдерімен бірлесіп, өндіріс барысымен танысу және жолаушылар вагондарының дайындығын тексеру мақсатында Stadler зауытына жұмыс сапарымен барды. Жаңа вагондарды желіге қосу шамамен ағымдағы жылдың желтоқсан айына жоспарланған, деп хабарлайды Rail-news.kz.
Сапар барысында Ұлттық тасымалдаушының делегациясы алғашқы жолаушылар және генераторлық вагондармен танысып, алдағы Қазақстандық – швейцариялық іскерлік кеңесін талқылады.
Жолаушылардың жайлылығы мен қауіпсіздігін арттыруға бағытталған заманауи инженерлік шешімдер жаңа вагондардың басты артықшылығы болып табылады. Қиын климаттық жағдайларда пайдалануға бейінделген вагондардың қызмет ету мерзімі 40 жылды құрайды.
Кәсіпорын купе, плацкарт және мамандандырылған (жүріп-тұруы шектеулі жолаушыларға арналған) вагондарды шығаруға бағытталған. 2025 жылы вагондардың бірінші партиясын алу жоспарлануда, ал 2030 жылға қарай 557 жаңа құрамдар пайдалануға беріледі, бұл Ұлттық тасымалдаушының вагон паркін толық жаңартуға мүмкіндік береді. Қазіргі уақытта кәсіпорында 720 астам қызметкер жұмыс істейді.
Ұлттық тасымалдаушының жеке тапсырысы бойынша вагондар өндіруден басқа, «Штадлер Қазақстан» ЖШС компаниясы оларға 20 жыл бойы толық техникалық қызмет көрсетуді қамтамасыз етеді.
Айта кетейік, Stadler вагондарының бірінші партиясы келесі жылдан бастап 4 маршрутта: №3/4 «Астана – Алматы», №353/354 «Астана – Семей», №85/86 «Астана – Шымкент», №47/48 «Астана – Атырау» іске қосылады.
