ҚТЖ-да WorldSkills Kazakhstan 2025 аясында локомотивті басқару конкурсы басталды
Корреспондент газеты «Қазақстан теміржолшысы»
«ҚТЖ» ҰК» АҚ – «Теміржол көлігі персоналын бағалау және дамыту орталығы» филиалы базасында WorldSkills Kazakhstan 2025 X Республикалық кәсіби шеберлік чемпионаты аясында «Локомотивті басқару» құзыреттілігі бойынша конкурс бастау алды, деп хабарлайды Rail-news.kz.
Байқауға еліміздің барлық аймақтарынан 26 колледж студенті – болашақ пойыз машинистері қатысуда. «ҚТЖ» АҚ-да 15 мың машинист пен машинист көмекшісі жұмыс істейді, олардың кәсібилігі пойыз қозғалысының қауіпсіздігіне, жолаушылардың өмірі мен денсаулығына, сондай-ақ миллиондаған тонна жүктердің уақытында жеткізілуіне тікелей байланысты.
Чемпионатты ұйымдастырушы – жарыстардың ұлттық операторы және WorldSkills халықаралық қауымдастығындағы Қазақстанның ресми өкілі «Talap» КЕАҚ. Мерейтойлық чемпионатта негізгі жұмысшы кәсіптері мен техникалық даярлық бағыттарын қамтитын 45 құзырет ұсынылған.
Байқау 9 желтоқсанда аяқталады.