Жастар резерві: ҚТЖ болашақтың командасын құруда
«ҚТЖ» ҰК» АҚ - да талантты жастарды анықтауға және Компанияның болашақ басқарушы элитасын қалыптастыруға бағытталған стратегиялық бастама – «Жастар кадрлық резерві» ауқымды бағдарламасы бастау алды, деп хабарлайды Rail-news.kz.
Бағдарлама мақсаты – жас мамандардың кәсіби және көшбасшылық қасиеттерін дамытып, олар үшін мансаптық өсу мен негізгі лауазымдарға орналасуға дайындықтың нақты мүмкіндіктерін жасай отырып, берік кадрлық іргетас құру. Бұл уақыт сынақтарына жауап бере алатын заманауи, тұрақты және динамикалық команда құру жолындағы маңызды қадам.
ҚТЖ - да Отанға деген сүйіспеншілік, жоғары патриотизм және таңдалған мамандыққа адалдық – саналы таңдау және өмір салты болып табылатын жас мамандардың ұрпағы қалыптасуда. Дәл осы сенім олардың еңбегін ел дамуының қуатты тірегіне және теміржолды тек салаға ғана емес, Қазақстанға қызмет етудің символына айналдырады.
Бағдарлама аясында 2025 жылғы 15-31 қазан аралығында өтінімдер қабылданып, 1167 адам тілек білдірген.
Бағдарлама шеңберінде іріктеудің 3 кезеңі: кандидаттардың құзыреттерін бағалау, кәсіби тестілеу және комиссиямен әңгімелесу өткізілді. Іріктеудің үш кезеңінің қорытындысы бойынша Корпоративтік орталықтың, желілік, өңірлік және желілік деңгейлердің 170 қызметкері қабылданды.
Ағымдағы жылы резервке қатысушылар кәсіби дағдыларды, басқарушылық және коммуникативтік құзыреттерді дамытуды, жобаларға қатысуды және тәлімгермен жұмысты қамтитын кешенді оқытудан өтеді.
Оқыту теориялық және практикалық жұмысты біріктіреді.
«Жастар кадрлық резерві» бағдарламасында жас мамандар мен олардың тәлімгерлері тарапынан да тұрақты өсуге ұмтылу, бастамашылдық пен жауапкершіліктің негізгі қағидаттарын дамытуға ерекше назар аударылды. Бұл бастаманы іске асыру дарынды жастардың мықты пулын қалыптастыруға, кадрлық сабақтастықты нығайтуға, жас қызметкерлердің ынтасы мен тартылуын арттыруға бағытталған. Бұл тиімді жұмысқа ықпал етіп қана қоймай, адами капиталды дамыту арқылы Компанияның бәсекеге қабілеттілігін арттырады. Бағдарламаның табысты қатысушылары ҚТЖ-да одан әрі мансаптық өсу үшін ұсыныстар алады.