ТМД темір жолдары интеграцияны нығайтуда
Ашхабадта Достастыққа қатысушы мемлекеттер Теміржол көлігі жөніндегі кеңесінің 84-ші отырысы өтті. Халықаралық көлік дәліздерін дамыту, жүк және жолаушылар тасымалын жетілдіру, саланы цифрландыру және теміржол әкімшіліктері арасындағы өзара іс-қимылды нығайту басты назарда болды, деп хабарлайды Rail-news.kz.
2026 жылғы 13-14 мамырда Ашхабадта Достастыққа қатысушы мемлекеттер Теміржол көлігі жөніндегі кеңесінің сексен төртінші отырысы өтті. Кеңес жұмысына ТМД елдері теміржол әкімшіліктерінің басшылары, сондай-ақ Кеңестің қауымдастырылған мүшелері мен халықаралық ұйымдардың өкілдері қатысты. «ҚТЖ» ҰК» АҚ делегациясын төраға орынбасары Әнуар Ахметжанов бастап барды.
Отырыс басты тақырыптарының бірі 2025 жылы және 2026 жылдың бірінші тоқсанында темір жолдары желісін пайдалану жұмыстарының қорытындысы болды. Теміржол әкімшіліктері тасымалдау процесінің тұрақтылығын сақтап, негізгі міндеттемелердің орындалуын қамтамасыз етті.
Кеңес контейнерлік тасымалдауға және мамандандырылған халықаралық пойыздар қозғалысын ұйымдастыруға ерекше назар аударды. 2025 жылдың қорытындысы бойынша контейнерлік тасымалдау көлемі қабылданған жоспарлы көрсеткіштерден 3,9%-ке, ал 2026 жылдың бірінші тоқсанында тағы 1,6%-ке асып түсті, бұл халықаралық тасымалдардың осы сегментіне тұрақты сұранысты және контейнерлік логистиканы дамыту бойынша қабылданып жатқан шаралардың тиімділігін растайды.
Отырыста жеке блокпен жолаушылар кешенінің мәселелері қаралды. 2025 жылдың қорытындысы бойынша ТМД елдері арасында халықаралық қатынаста 10,5 млн жолаушы тасымалданды (2024 жылғы деңгейге 12,6%). Өсім Достастық теміржол желілеріндегі халықаралық жолаушылар тасымалының тұрақты қалпына келуін және дамуын көрсетеді.
Кеңес жолаушылар тасымалын одан әрі цифрландыруға бағытталған бірқатар шешімдер қабылдады. 2026 жылғы шілдеден бастап халықаралық жолаушылар тасымалы бойынша есептілік тек «Express International» жүйесінде қалыптастырылатын болады. Бұл әкімшіліктер арасындағы өзара есеп айырысуды жеделдетуге және процестердің ашықтығын арттыруға мүмкіндік береді.
Отырыс барысында қатысушылар Кеңес шеңберінде Халықаралық темір жол көлік дәліздерін дамыту тұжырымдамасының жобасын мақұлдады. Құжат транзиттік әлеуетті одан әрі дамытуды, инфрақұрылымды жетілдіруді және негізгі еуразиялық бағыттардағы темір жолдардың жұмысын үйлестіруді көздейді.
Саланың нормативтік базасына көп көңіл бөлінді. Кеңес жылжымалы құрамға техникалық қызмет көрсетуге, халықаралық жолаушылар тасымалына, тарифтік саясатқа және инфрақұрылымдық бөлімшелердің жұмысына қатысты бірқатар мемлекетаралық құжаттарға өзгерістерді бекітті.