11 локомотив пайдалану депосы жаңа техникаға ие болды
2026 жылдың басынан бастап ҚТЖ локомотив паркі 72 бірлік жаңа тарту техникасымен толықтырылды. Wabtec және CRRC компанияларының магистральдық тепловоздары, Alstom электровоздары, сондай-ақ CRRC маневрлік тепловоздары пайдалануға берілді, деп хабарлайды Rail-news.kz.
Қазіргі заманғы локомотивтер Астана, Қызылорда, Қарағанды, Атырау, Маңғыстау, Павлодар, Мақат, Екібастұз, Жем және Балқаштың локомотив пайдалану деполарына бөлінген.
Локомотив паркін жаңарту пойыздар қозғалысының қауіпсіздік деңгейін арттыруға, жылжымалы құрамның пайдалану сипаттамаларын жақсартуға және локомотив бригадалары үшін неғұрлым қолайлы еңбек жағдайларын жасауға мүмкіндік берді. Жаңа локомотивтер заманауи микропроцессорлық басқару жүйелерімен, «Борт» жүйесімен, бейнебақылау құралдарымен, сондай-ақ тасымалдау процесінің сенімділігі мен тиімділігінің жоғары деңгейін қамтамасыз ететін заманауи радиобайланыс кешендерімен жабдықталған.
Пайдалануға берілмес бұрын барлық техника кешенді түрде зертханалық және техникалық сынақтардан өткізілді.